Vibrant Gujarat: રાજ્યના મુખ્યપ્રધાન ભૂપેન્દ્ર પટેલ (CM Bhupendra Patel) આજે સવારે દુબઇના (Dubai) પ્રવાસે રવાના થઈ ગયા છે. સીએમ બન્યા બાદ ભૂપેન્દ્ર પટેલનો આ પહેલો વિદેશ પ્રવાસ છે. તેમની સાથે ઉદ્યોગપ્રધાન જગદીશ પંચાલ, મુખ્ય સચિવ પંકજકુમાર સહિતનું ડેલીગેશન દુબઈના પ્રવાસે છે. દુબઈમાં તેઓ રોકારણકારોને આકર્ષવાના પ્રયત્નો કરશે. વાયબ્રન્ટ ગુજરાત ગ્લોબલ સમિટ પહેલાં CM ભૂપેન્દ્ર પટેલ દુબઈમાં રોડ-શો યોજશે દુબઇ મુલાકાત દરમિયાન મુખ્યપ્રધાન અને પ્રતિનિધિ મંડળ દુબઇમાં ઉદ્યોગ સાહસિકો સાથે વન-ટુ-વન મુલાકાત બેઠક કરશે.
આ બેઠકમાં CM ગુજરાતમાં મૂડીરોકાણ કરવા અંગે વાતચીત કરાશે. એટલું જ નહિ, ઉદ્યોગકારો સમક્ષ ગુજરાતમાં વિવિધ ક્ષેત્રે ઉપલબ્ધ રોકાણની તકો વિશે પ્રેઝન્ટેશન પણ કરાશે. આ ઉપરાંત દુબઈમાં ચાલી રહેલા એક્સપોમાં ઇન્ડિયા પેવેલિયનની મુલાકાત પણ લેશે.
દેશના સૌથી વધુ બિઝનેસ ફ્રેન્ડલી રાજ્ય ગુજરાતમાં જાન્યુઆરી 2022 માં યોજાનારી વાયબ્રન્ટ ગ્લોબલ સમિટ (Vibrant Gujarat Global Summit 2022) સંદર્ભમાં દુબઈમાં આઠ ડિસેમ્બરે બુધવારે રોડ-શોનું આયોજન કરવામાં આવ્યું છે. મુખ્યમંત્રી ભૂપેન્દ્ર પટેલના (CM Bhupendra Patel) નેતૃત્વમાં ઉદ્યોગ રાજ્યમંત્રી જગદીશ વિશ્વકર્મા અને ઉચ્ચસ્તરીય પ્રતિનિધિ મંડળ આ હેતુસર દુબઇ મુલાકાતે જવા રવાના થઇ ગયા છે.
આ પણ વાંચો: Surat: બારડોલીના અસ્તાન ગામે લાગ્યા મતદાન બહિષ્કારના બેનરો, જાણો કેમ સ્થાનિકો કરી રહ્યા છે વિરોધ
આ પણ વાંચો: Vadodara: ધર્માંતરણ અને આફમી હવાલા કૌભાંડ કેસમાં તપાસનો ધમધમાટ, SOG એ મેળવ્યા વોરંટ
Published On - 8:35 am, Wed, 8 December 21