Inflation : મોંઘવારીનો વધુ એક માર, પેટ્રોલ-ડીઝલ અને LPG બાદ હવે ખાદ્યતેલના ભાવમાં પણ વધારો

Inflation : પેટ્રોલ-ડીઝલ અને  LPG ગેસમાં ભાવવધારો સહન કરી રહેલી જનતા પર મોંઘવારીનો વધુ એક માર પડ્યો છે. રસોઈ બનાવવામાં જરૂરી એવા સીંગતેલ અને કપાસિયા તેલના ભાવમાં પણ હવે વધારો થયો છે. સીંગતેલના ભાવમાં છેલ્લા એક અઠવાડિયામાં રૂ.75નો વધારો થયો છે. જ્યારે કપાસિયા તેલના ભાવમાં અઠવાડિયામાં રૂ.100 નો વધારો થયો છે.

છેલ્લા એક અઠવાડિયામાં સીંગતેલમાં એક ડબ્બે રૂ.75નો ભાવ વધારો થતાં સીંગતેલના ડબ્બાનો ભાવ રૂ.2550 પર પહોંચ્યો છે. સિંગતેલ અને કપાસિયા તેલના ભાવમાં થયેલા વધારાને કારણે ગૃહિણીઓનું બજેટ ખોરવાયું છે.