Ahmedabad: ઠક્કરબાપાનગર વોર્ડમાં 104 વર્ષના મહિલાએ કર્યું મતદાન, એકપણ વખત મતદાન કરવાનું ચૂક્યા નથી

મહાનગરોમાં લોકશાહીના મહાપર્વ દરમિયાન કેટલાક મતદારો જરા હટકે જોવા મળ્યા. જેમાં અમદાવાદના ઠક્કરબાપાનગરમાં 104 વર્ષના સૌથી વયોવૃદ્ધ મહિલાએ પોતાના મતાધિકારનો ઉપયોગ કર્યો. 104 વર્ષના જમનાબેન પટેલે પરિવાર સાથે મતદાન કરીને સાચા નાગરિક તરીકેની ફરજ અદા કરી. જમનાબેન એકપણ વખત મતદાન કરવાનું ચૂક્યા નથી. તેમણે કહ્યું કે, હવે તેમને મતદાન કરવા મળશે કે નહીં તે ખબર નથી. જેથી તેઓ આ વખતે લોકોમાં મતદાનની જાગૃતિ આવે તે માટે મતદાન કર્યું છે.