Photos : યામી ગૌતમે શેર કરી પોતાની ગ્લેમરસ તસવીરો, જણાવ્યુ કે તે ઘણા વર્ષોથી ચામડીના રોગ સામે લડી રહી છે
બોલીવૂડની સુંદર એભિનેત્રીઓમાંની એક યામી ગૌતમ (Yami Gautam) કે જે કોસ્મેટિક્સ પ્રોડક્ટ્સને સમર્થન આપે છે તે વર્ષોથી ચામડીની એક બિમારી સામે લડી રહી છે.
બોલિવૂડ અભિનેત્રી યામી ગૌતમના ચાહકોની કોઈ કમી નથી. તેમના ફોટોઝ સોશિયલ મીડિયા પર પોસ્ટ થતાની સાથે જ વાયરલ થઈ જાય છે. તેનો સિમ્પલ અને ગ્લેમરસ લૂક ચાહકો દ્વારા ખૂબ જ પસંદ કરવામાં આવ્યો છે.
યામીએ આજે પોતાની ગ્લેમરસ તસવીરો સોશિયલ મીડિયા પર શેર કરી છે અને ચાહકોને તેની ત્વચા સાથે જોડાયેલ એક રહસ્ય જણાવ્યું છે.
કોસ્મેટિક પ્રોડક્ટને સમર્થન આપતી યામીએ ચાહકોને તેના અસાધ્ય ત્વચા રોગ વિશે જણાવ્યું છે.
યામીએ તેના ફોટોશૂટમાંથી તસવીરો શેર કરી અને લખ્યું કે જ્યારે આ તસવીરો તેની ત્વચાની સ્થિતિ કેરાટોસિસ-પિલરિસને છુપાવવા માટે પોસ્ટ પ્રોડક્શન માટે જઈ રહી હતી ત્યારે તેણે પોતાની જાતને કહ્યું કે તેણે આ સમસ્યાનો સ્વીકાર કરવો જોઈએ.
યામીએ કહ્યું કે તેને કિશોરાવસ્થામાં ત્વચાની આ સમસ્યા હતી, જેનો કોઈ ઈલાજ નથી. આ સ્થિતિમાં, ચહેરા પર નાના ખીલ થાય છે.
યામીએ અંતમાં લખ્યું કે મે ખૂબ હિંમત કરીને તમને મારી આ કંડીશન વિશે જણાવ્યુ છે.
