The Big Picture: રોહિત શેટ્ટી અને કેટરીના કૈફે જીત્યા 50 લાખ રૂપિયા, મુંબઈ પોલીસ ફાઉન્ડેશનને કરશે ડોનેટ

કલર્સ ટીવી (Colors Tv)ના વિઝ્યુઅલ રિયાલિટી શો ‘ધ બિગ પિક્ચર’ (The Big Picture)માં આજે રોહિત શેટ્ટી (Rohit Shetty) અને કેટરિના કૈફ (Katrina Kaif)ની ટીમે 50 લાખ રૂપિયા જીત્યા. આ પ્રવાસમાં તેમણે પોતાની 3 લાઈફ લાઈનનો ઉપયોગ કર્યો હતો.  લાઇફલાઇન તરીકે, ટીવી કલાકારો કરણ વાહી (Karan Wahi) , અર્જુન બિજલાની (Arjun Bijlani) , રિત્વિક ધનજાની (Rithvik Dhanjani) એ રોહિત અને કેટરિના કૈફને પ્રશ્નોના જવાબ આપવામાં મદદ કરી.

તેમના દ્વારા આપવામાં આવેલા 3 પ્રશ્નોના જવાબો એકદમ સાચા હતા. રમતની શરૂઆતમાં જ રોહિત શેટ્ટીએ જાહેરાત કરી હતી કે તે ‘ધ બિગ પિક્ચર’માં જીતેલા પૈસા ‘મુંબઈ પોલીસ ફાઉન્ડેશન’ને દાન કરશે. રોહિત શેટ્ટી અને કેટરિના કૈફ 5મી નવેમ્બરે રિલીઝ થનારી તેમની ફિલ્મ ‘સૂર્યવંશી’ (Sooryavanshi)ના પ્રમોશન માટે આવ્યા હતા. આ શો માટે ‘ધ બિગ પિક્ચર’ના સ્ટેજ પર દર્શકો તરીકે ખાસ મહેમાનોને આમંત્રિત કરવામાં આવ્યા હતા.

મુંબઈ પોલીસ વિભાગના અધિકારીઓ આ શોના પ્રેક્ષક હતા. આ ખાસ એપિસોડ મુંબઈના પોલીસ વિભાગને ટ્રિબ્યૂટ આપવા માટે શૂટ કરવામાં આવ્યો હતો. આ શો દરમિયાન રોહિત શેટ્ટીએ કહ્યું કે તેમણે પોલીસ પર અત્યાર સુધી એટલી બધી ફિલ્મો બનાવી છે કે ક્યારેક લોકો તેમને પોલીસ સમજે છે.

કેટરિના કૈફ બનશે પોલીસ ઓફિસર

ધ બિગ પિક્ચરના આજના એપિસોડમાં કેટરિના કૈફ રોહિત શેટ્ટીને રિક્વેસ્ટ કરી કે હવે સૂર્યવંશી પછી એક મહિલા પોલીસ અધિકારી પર ફિલ્મ બનાવી જોઈએ. કેટરિનાની વાત સાંભળીને રોહિત શેટ્ટીએ તેને કહ્યું કે તમારી વાત સાચી છે, પરંતુ મહિલા પોલીસની ભૂમિકા ભજવવા માટે એક મજબૂત કલાકારની જરૂર છે. આ સાંભળીને કેટરિનાએ પોતે ‘ધ બિગ પિક્ચર’ના સ્ટેજ પર રોહિતા શેટ્ટીની આગામી ફિલ્મ માટે ઓડિશન પણ આપ્યું હતું.

ટૂંક સમયમાં પોલીસ પર વેબ સિરીઝ બનાવશે

સૂર્યવંશી પછી રોહિત શેટ્ટી ટૂંક સમયમાં OTT પર પણ પોલીસ આધારિત વેબ સિરીઝ બનાવવા જઈ રહ્યા છે. આ વેબ સિરીઝમાં તે પહેલીવાર સિદ્ધાર્થ મલ્હોત્રા (Sidharth Malhotra) સાથે કામ કરતા જોવા મળશે. આ પ્રોજેક્ટ એમેઝોન પ્રાઇમ વીડિયો પર સ્ટ્રીમ થશે. સૂત્રોનું માનીએ તો આ પ્રોજેક્ટ પર કામ આવતા વર્ષથી શરૂ થશે. સુશાંત પ્રકાશ આ વેબ સિરીઝનું નિર્દેશન કરશે. કહેવામાં આવી રહ્યું છે કે આ વેબ સિરીઝ માટે વિક્કી કૌશલ (Vicky Kaushal) અને ટાઈગર શ્રોફ (Tiger Shroff) પણ શેરશાહ એક્ટર સાથે જોડાઈ શકે છે.

આ પણ વાંચો :- અભિનેત્રી Urmila Matondkar થઈ કોરોના પોઝિટિવ, ઘરમાં આઈસોલેટ હોવાની જાણકારી ટ્વીટ કરી આપી

આ પણ વાંચો :- Mira Rajput તેના ડ્રેસને લઈને સંઘર્ષ કરી રહી હતી અને શાહિદ કપૂરે છુપાઈને બનાવ્યો વીડિયો, જુઓ આ વીડિયો