Gauhar Khan Birthday Special : 38 વર્ષની થઈ ‘બિગ બોસ 7’ની વિજેતા ગૌહર ખાન, પોતાનાથી 12 વર્ષ નાના છોકરા સાથે કર્યા લગ્ન
ગૌહર ખાન (Gauhar Khan) મનોરંજન ઉદ્યોગ (Entertainment Industry) માં એક જાણીતું નામ છે. ગૌહર અને તેના પતિ ઝૈદ દરબાર ખૂબ ચર્ચામાં રહે છે.
બોલિવૂડ અને ટીવી અભિનેત્રી ગૌહર ખાન આજે 23 ઓગસ્ટે 38 વર્ષની થઈ ગઈ છે. ગૌહરે ગયા વર્ષે 25 ડિસેમ્બરે તેના બોયફ્રેન્ડ ઝૈદ દરબાર સાથે લગ્ન કર્યા હતા. ઝૈદ ગૌહરથી 12 વર્ષ નાનો છે પરંતુ આ જોડીનું માનવું છે કે 'એજ ઈઝ જસ્ટ એ નંબર' એટલે કે ઉંમર માત્ર એક સંખ્યા છે, આનાથી વધુ કંઇ નથી. તે બંનેને આ વાતનો કોઈ ફરક નથી પડતો.
હકીકતમાં, ગૌહર અને ઝૈદ ગ્રોસરી સ્ટોરમાં એકબીજાને મળ્યા હતા. ગૌહર જોયા પછી, ઝૈદે તેને ઇન્સ્ટાગ્રામ પર મેસેજ કર્યો. આ મેસેજમાં પહેલી નજરે પ્રેમ વિશે વાત કરતા ઝૈદે લખ્યું કે તેમણે આજ સુધી ગૌહર જેવી સુંદર છોકરી ક્યારેય જોઈ નથી. લોકડાઉન હોવા છતાં બંને એકબીજાને મળતા રહ્યા. મિત્રતા પ્રેમમાં ફેરવાઈ ગઈ અને આજે બંને એકબીજા સાથે ખૂબ ખુશ છે.
ગૌહર બિગ બોસ 7 ની વિજેતા રહી છે. અભિનેત્રી હોવા ઉપરાંત ગૌહર એક સફળ મોડેલ પણ છે.
લેક્મે ફેશન શો 2006 માં ડિઝાઇનર લસેલે સિમોન્સ માટે શો-સ્ટોપર બની ગૌહર ખાન વોર્ડરોબ માલફંક્શનનો ભાગ બની હતી. આ અકસ્માત બાદ ગૌહર ખરાબ રીતે તૂટી ગઈ હતી.
પોતાની કારકિર્દીમાં ગૌહરે બોલિવૂડની ઘણી સફળ ફિલ્મો, વેબ સિરીઝ અને રિયાલિટી શોમાં કામ કર્યું છે.
તેના પતિ ઝૈદ સાથેના તેના વીડિયો અને યુ ટ્યુબ પર આવતા તેના ટ્યુટોરિયલ્સને ચાહકોએ ખૂબ પસંદ કર્યા છે.