Sunny Deol ચાહકોને આપવા જઈ રહ્યા છે મોટી ભેટ, ફિલ્મી ફ્રાઈડે પર કરશે જબરદસ્ત ધમાકો

બોલિવૂડ અભિનેતા સની દેઓલ (Sunny Deol) શરૂઆતથી જ ચાહકોમાં તેમના દમદાર અભિનય માટે જાણીતા છે. સની દેઓલે પોતાની અત્યાર સુધીની કારકિર્દીમાં હંમેશા અલગ અલગ ફિલ્મો કરી છે. પોતાની એન્ગ્રી શૈલીથી ચાહકોનું દિલ જીતનાર સની દેઓલ ફરી એકવાર નવી ફિલ્મ સાથે ધમાલ મચાવવા માટે તૈયાર છે.

સની દેઓલના ચાહકો લાંબા સમયથી તેમની નવી ફિલ્મની રાહ જોઈ રહ્યા હતા, તેથી હવે અભિનેતાના ચાહકોની આ રાહ ટૂંક સમયમાં સમાપ્ત થવા જઈ રહી છે. અભિનેતાએ આજે ​​સોશિયલ મીડિયા પર સસ્પેન્સ ભર્યો ધમાકો કર્યો છે. જે છવાઈ ગયો છે.

ખાસ છે સની દેઓલની ફિલ્મનું પોસ્ટર

અભિનેતાની પોસ્ટ જોયા બાદ ચાહકોમાં ખુશીની લહેર દોડી ગઈ છે. આ સાથે, કેટલાક ચાહકો મૂંઝવણમાં છે કે આ બાબત શું છે. આવી સ્થિતિમાં, અમે તમને જણાવી દઈએ કે અભિનેતાએ પોસ્ટમાં કોઈ ફિલ્મનું ફર્સ્ટ લુક પોસ્ટર શેર કર્યું છે.

આ પોસ્ટરમાં ‘ધ કથા કંટિન્યૂઝ’ (The Katha Continues) લખેલ છે. આ જોયા બાદ ચાહકો દ્વારા  અટકળો લગાવવામાં આવી રહી છે કે સની દેઓલ ‘ગદર 2’ (Gadar 2) ની જાહેરાત કરવા જઈ રહ્યા છે. સની દેઓલે તસ્વીર શેર કરી અને સોશિયલ મીડિયા પર લખ્યું કે હું કાલે 11 વાગ્યે કંઈક જાહેર કરીશ, જે ખૂબ જ ખાસ અને મારા દિલની ખૂબ નજીક છે. કાલે આ સ્પેસને જુઓ.

હવે આ પોસ્ટ બાદ ચાહકોએ શુક્રવારની રાહ જોવાનું શરૂ કરી દીધી છે. ચાહકો આ પોસ્ટથી ખુબજ ખુશ છે. સની દેઓલની આ નવી ફિલ્મનું પોસ્ટર પણ ખૂબ જ ખાસ લાગી રહ્યું છે. સોશિયલ મીડિયા પર એવી અટકળો ચાલી રહી છે કે ફિલ્મનું નામ ‘ગદર: એક પ્રેમ કથા’ અને તેના પર ‘કથા કંટિન્યૂઝ’ (કથા ચાલુ છે) રાખ્યું છે , તેથી ‘ગદર 2’ ની જાહેરાત હોઈ શકે છે.

તમને જણાવી દઈએ કે તાજેતરમાં સમાચાર આવ્યા હતા કે ગદર ફિલ્મના નિર્દેશક અનિલ શર્મા (Anil Sharma) તેમના પુત્ર ઉત્કર્ષ સાથે ગદર 2 ની શરૂઆત કરવા જઈ રહ્યા છે. આ ફિલ્મમાં ઉત્કર્ષ ઉપરાંત ઓરીજીનલ ફિલ્મના અભિનેતા સની દેઓલ (Sunny Deol), અમીષા પટેલ (Ameesha patel) પણ જોવા મળશે.

આ પણ વાંચો:- ખુલાસો: ‘Airlift’ માટે પહેલી પસંદ નહોતા અક્ષય કુમાર, આ દિવંગત અભિનેતાને કાસ્ટ કરવા માંગતા હતા ફિલ્મ નિર્માતાઓ

આ પણ વાંચો:- TMKOC : માસ્ટર ભીડેની શીખે બચાવ્યો ટપ્પુ સેનાનો જીવ, શું મળશે ચોરેલા પૈસા પાછા ?