શાહરૂખ ખાનની અભિનેત્રી ગાયત્રી જોશીને ઈટાલીમાં નડ્યો અકસ્માત, લેમ્બોર્ગિની Ferrari સાથે ટકરાઈ, જુઓ-VIDEO

શાહરૂખ ખાનની ફિલ્મ ‘સ્વદેશ’થી બોલિવૂડમાં ડેબ્યૂ કરનાર અભિનેત્રી ગાયત્રી જોશીનો ઈટાલીમાં મોટો કાર અકસ્માત થયો છે. ગાયત્રી તેના પતિ વિકાસ ઓબેરોય સાથે લેમ્બોર્ગિની કારમાં મુસાફરી કરી રહી હતી. આ અકસ્માતમાં બંનેનો આબાદ બચાવ થયો હતો, પરંતુ તેમની સાથે અથડાતા ફરારી કારના સ્વિસ દંપતી મુસાફરનું મૃત્યુ થયું હતું. પોલીસે ઘટના સ્થળે પહોંચી સમગ્ર મામલે આગળની કાર્યવાહી હાથ ધરી હતી.

અભિનેત્રીનો થયો મોટો અકસ્માત

કહેવામાં આવી રહ્યું છે કે ગાયત્રી જોશી અને તેમના પતિ વિકાસ ઓબેરોય એક લક્ઝરી કાર રેસમાં ભાગ લઈ રહ્યા હતા. ઘટના સમયે, તેમની લેમ્બોર્ગિની કારની પાછળ અન્ય ઘણા લક્ઝરી વાહનોનો કાફલો દોડી રહ્યો હતો. દરમિયાન એક મીની ટ્રકને ઓવરટેક કરતી વખતે તેની કાર ફરારી સાથે અથડાઈ હતી. અકસ્માત બાદ ફરારી ટ્રક સાથે અથડાઈ હતી અને મિની ટ્રક પલટી ગઈ હતી. ટ્રક પલટી જતાં ફરારીમાં આગ લાગી ગઈ હતી.

ઓવરટેક થતા એકસાથે ગાડીઓ અથડાઈ

અહેવાલો અનુસાર, આ દુર્ઘટના ઇટાલીના સાર્ડિનિયાના એક વિસ્તારમાં બની હતી. ઘટના સમયે ગાયત્રી અને તેનો પતિ તેમની લેમ્બોર્ગિનીમાં મુસાફરી કરી રહ્યા હતા. તેની કારની પાછળ બીજી ઘણી લક્ઝરી કાર પણ દોડી રહી હતી. આ સમય દરમિયાન, એક મીની ટ્રકને ઓવરટેક કરતી વખતે, તેની કાર ફેરારી સાથે અથડાઈ હતી, જે બાજુમાં ચાલી રહેલી મીની ટ્રક સાથે અથડાઈ હતી. આ અથડામણને કારણે મિની ટ્રક પલટી ગઈ અને ફેરારીમાં આગ લાગી, જેના કારણે તેમાં મુસાફરી કરી રહેલા કપલનું મોત થયું.

2004થી ફિલ્મોથી દૂર છે

આ ગંભીર અને અત્યંત દર્દનાક અકસ્માત બાદ અભિનેત્રી ગાયત્રીએ જણાવ્યું કે તે તેના પતિ વિકાસ સાથે ઈટાલીમાં પ્રવાસ કરી રહી હતી. તેણી આ અકસ્માતમાં સુરક્ષિત રીતે બચી ગઈ છે, પરંતુ તેણે આ અકસ્માત અંગે ઊંડું દુઃખ વ્યક્ત કર્યું છે. તમને જણાવી દઈએ કે ગાયત્રી જોશી લાંબા સમયથી ફિલ્મો અને બોલિવૂડથી દૂર છે. ઓબેરોય કન્સ્ટ્રક્શનના મેનેજિંગ ડાયરેક્ટર વિકાસ ઓબેરોય સાથે લગ્ન કર્યા બાદ તે પોતાના અંગત જીવન પર ધ્યાન આપી રહી છે. ભારતની મોટી રિયલ એસ્ટેટ કંપનીમાં ઓબેરોય કન્સ્ટ્રક્શનનું નામ સામેલ છે.