બ્રેકિંગ ન્યૂઝ : રણબીર સહિત કપૂર પરિવાર વિરુદ્ધ નોંધાયો કેસ, ક્રિસમસ પર ‘જય માતા દી’ બોલવુ ભારે પડયુ

ક્રિસમસનો તહેવાર કપૂર પરિવાર માટે ખૂબ જ ખાસ માનવામાં આવે છે અને દર વર્ષે ક્રિસમસના અવસર પર આખો પરિવાર ભાગ લે છે. પરિવારની દરેક પેઢી આ સમય દરમિયાન જોવા મળે છે અને નાતાલનો તહેવાર ખૂબ જ ધામધૂમથી ઉજવવામાં આવે છે. આ વખતે પણ ક્રિસમસ પર કંઈક આવું જ જોવા મળ્યું.

આ ખાસ અવસર પર આલિયા અને રણબીરે તેમની પુત્રી રાહાનો ચહેરો પણ જાહેર કર્યો હતો. પરંતુ આ મસ્તીનો એક વીડિયો સોશિયલ મીડિયા પર વાયરલ થયો હતો, જેના કારણે હવે રણબીર કપૂર અને તેના પરિવારની મુશ્કેલીઓ વધી ગઈ છે. તેની સામે ફરિયાદ નોંધવામાં આવી છે.

પાર્ટીમાં આ લોકો હતા હાજર

આ પાર્ટીમાં રણબીર કપૂરની સાથે નવ્યા નંદા, આલિયા ભટ્ટ, રાહા કપૂર, અગસ્ત્ય નંદા, નિખિલ નંદા, કરિશ્મા કપૂર, તેના બાળકો સમાયરા અને કિયાન, રણધીર કપૂર, રીમા જૈન, નીલા દેવી, બબીતા ​​કપૂર સહિત અનેક લોકો સામેલ થયા હતા. કપૂર પરિવાર હાજર રહ્યો હતો.

બોલિવૂડ સુપરસ્ટાર રણબીર કપૂર અને તેના પરિવાર પર સનાતન ધર્મની ભાવનાઓને ઠેસ પહોંચાડવાનો આરોપ છે. તેની સામે મુંબઈના ઘાટકોપર પોલીસ સ્ટેશનમાં લેખિત ફરિયાદ પણ દાખલ કરવામાં આવી છે. વીડિયોના આધારે એવી માંગ કરવામાં આવી છે કે રણબીર અને કપૂર પરિવાર વિરુદ્ધ આઈપીસીની કલમ 295, 509 અને 34 હેઠળ એફઆઈઆર નોંધવામાં આવે.

શું છે સમગ્ર મામલો?

આ મામલાની વાત કરીએ તો સોશિયલ મીડિયા પર કપૂર પરિવારના સેલિબ્રેશનનો એક વીડિયો વાયરલ થઈ રહ્યો છે. આ વીડિયોમાં જોઈ શકાય છે કે કેવી રીતે રણબીર સહિત આખો પરિવાર સેલિબ્રેશનમાં વ્યસ્ત છે. આ દરમિયાન કેક પર દારૂ રેડવામાં આવી રહ્યો છે અને આગ પ્રગટાવવામાં આવી રહી છે. આ દરમિયાન રણબીર કપૂર જય માતા દી કહેતો જોવા મળે છે.

તેણે આ કહ્યા બાદ પરિવારના અન્ય સભ્યો પણ વીડિયોમાં જોરથી જય માતા દી કહેતા જોવા મળે છે. આ બાબતે નારાજગીના કારણે ફરિયાદ નોંધાવી હતી. આ ફરિયાદ સંજય દીનાનાથ તિવારીએ બોમ્બે હાઈકોર્ટના વકીલ આશિષ રાય અને પંકજ મિશ્રા દ્વારા દાખલ કરી હતી.

ફરિયાદીનું કહેવું છે કે હિંદુ ધર્મમાં દારૂ પર પ્રતિબંધ છે. અને રણબીર અને તેના આખા પરિવારને આ વિશે ચોક્કસ જાણ હશે. આ પછી પણ અન્ય કોઈ ધર્મના તહેવારોની ઉજવણી વખતે નશો કરીને અને દેવી-દેવતાઓના નામ લઈને હિન્દુ ધર્મને લગતી ધાર્મિક લાગણીઓનું અપમાન કરવામાં આવે છે. હવે જોવાનું એ રહે છે કે ફરિયાદીની ફરિયાદ પર પોલીસ શું કાર્યવાહી કરે છે.

આ પણ વાંચો : રામ આયેંગે…અયોધ્યા રેલવે સ્ટેશન પર શોભશે મુગટ, નાગર શૈલીનું બાંધકામ, ત્રેતાયુગનો થશે અનુભવ, જુઓ વીડિયો