નાના પડદા પર પોતાની અભિનયથી બધાને દીવાના બનાવનાર સિદ્ધાર્થ શુક્લાની (Sidharth Shukla) અચાનક વિદાયે બધાને આશ્ચર્યચકિત કરી દીધા છે. 2 સપ્ટેમ્બર ગુરુવારે સિદ્ધાર્થનું અવસાન થયું. અભિનેતાના અંતિમ સંસ્કાર શુક્રવારે કરવામાં આવશે. આવી સ્થિતિમાં, તમામ સેલેબ્સ આ મુશ્કેલ સમયમાં સિદ્ધાર્થના પરિવારને તેના ઘરે મળવા ગયા, જેમાં અભિનેતા રાહુલ મહાજન પણ સામેલ છે.
સિદ્ધાર્થ શુક્લાના નિધન બાદ રાહુલ મહાજન તેમના પરિવારને મળ્યા છે. રાહુલ મહાજને એક ઈન્ટરવ્યુમાં જણાવ્યું છે કે સિદ્ધાર્થની માતા અને શહનાઝ ગિલની અભિનેતાના અચાનક વિદાયને કારણે કેવી હાલત થઇ ગઈ છે.
જાણો રાહુલ મહાજને શું કહ્યું
ખાનગી સમાચાર અનુસાર, એક ઈન્ટરવ્યુમાં રાહુલે કહ્યું છે કે સિદ્ધાર્થ એક અલગ પ્રકારનો વ્યક્તિ હતો, અભિનેતાના ગયા પછી, આજે હું તેની માતાને મળ્યો, જે એક ખૂબ જ મજબૂત મહિલા છે. તેણીની આંખોમાં આંસુ હતા પણ તે મજબૂત હતી અને તેમણે મને કહ્યું કે ‘મૃત્યુ નક્કી છે પરંતુ તે આટલું જલ્દી થવું જોઈતું ન હતું (સિદ્ધાર્થે આટલી જલ્દી જવું ન જોઈતું હતું)’. રાહુલના મતે તે એક માતા છે અને કોઈપણ માતા પોતાના જીવનમાં પોતાના દીકરાને જતા કેવી રીતે જોઈ શકે?
એટલું જ નહીં, રાહુલ મહાજને સિદ્ધાર્થ શુક્લાના ઘરે શહનાઝને મળવાની પણ વાત કરી છે. આ જ અહેવાલ મુજબ, રાહુલે કહ્યું છે કે શહનાઝ સંપૂર્ણપણે નિસ્તેજ થઈ ગઈ હતી જાણે કે એક તોફાન હમણાં જ પસાર થયું હોય અને તેને જીવનની દરેક વસ્તુ ધોઈ દીધી હોય.
તમને જણાવી દઈએ કે સિદ્ધાર્થ અને શહનાઝના બિગ બોસ 13 દરમિયાન અફેરના સમાચાર સામે આવવા લાગ્યા હતા. જોકે તે હંમેશા કહેતો કે તેઓ માત્ર મિત્રો છે. ફેન્સએ બંનેને ‘સિદનાઝ’ નામ પણ આપ્યું. શોની અંદર પણ, બંને વચ્ચેનો તાલમેલ ચાહકો દ્વારા ખૂબ પસંદ કરવામાં આવતો હતો.
સિદ્ધાર્થ શુક્લાએ ડેબ્યુ કર્યું
સિદ્ધાર્થ શુક્લાએ પોતાની કારકિર્દીની શરૂઆત એક મોડેલ તરીકે કરી હતી. 2008 માં સિદ્ધાર્થને તેનો પહેલો ટેલિવિઝન શો – બાબુલ કા આંગન છૂટે ના મળ્યો. તેણે લવ યુ જિંદગી, બાલિકા વધુ અને દિલ સે દિલ તક જેવા શોમાં અભિનય કર્યો હતો. આ પછી તેણે બિગ બોસ 13 માં ભાગ લીધો અને જીત્યો.
આ પણ વાંચો: Birthday Special: ક્યારેક સલમાનની ધમકી ક્યારેક એક કરોડનું દાન, વિવાદોથી ભરેલું વિવેક ઓબેરોયનું જીવન
આ પણ વાંચો: Birthday Special: શું તમે જાણો છો કોણે આપ્યું અભિનેતાને ‘શક્તિ કપૂર’ નામ? જાણો રસપ્રદ વાતો
Published On - 10:44 am, Fri, 3 September 21