‘લંડનની આઝાદી મને ગમે છે’, નિવેદન આપીને ફસાઈ ગઈ સોનમ કપૂર: ટ્રોલર્સના નિશાના પર અભિનેત્રી

બોલીવુડ અભિનેત્રી અને અનીલ કપૂરની પુત્રી સોનમ કપૂર ફરી એકવાર વિવાદમાં ફસાતી જોવા મળી રહી છે. જી હા સોનમના એક નિવેદનને કારણે તે ફરી ચર્ચામાં આવી છે. એટલું જ નહીં તે ફરી એક વાર ટ્રોલરોના નિશાના પર આવી ગઈ છે. વાત જાણે એમ છે કે તાજેતરના એક ઈન્ટરવ્યૂ દરમિયાન સોનમે લંડનમાં પોતાના જીવન વિશે વાત કરી.

સોનમે આ વાતચીતમાં કહ્યું કે લંડનમાં તે પોતાની આઝાદી માણી રહી છે. ફ્રીડમને એન્જોય કરી રહી છે. તેણે કહ્યું કે તે ત્યાં જાતે જમવાનું બનાવે છે. જાતે ઘર સાફ કરે છે. જો કે સોશિયલ મીડીયાના ટ્રોલર્સે આ વાતને અલગ અર્થમાં લેતા તેની મશ્કરી કરવાનું શરુ કરી દીધું છે.

ટ્રોલના નિશાને સોનમ

આ નિવેદનને લઈને હવે સોશિયલ મીડીયાના કીબોર્ડ વોરીયર્સ સોનમ પર તૂટી પડ્યા છે. આ બાબતે એક યુઝરે સોનમ પર વ્યક્તિગત પ્રાહાર કરતા લખ્યું કે ‘એક વાર ફરી સાબિત કરી દીધું કે આ મુર્ખ છે. શું સાફ સફાઈ કરનારા અને નોકર તેના ઘરમાં જબરદસ્તીથી ઘુસ્યા હતા? બોલવાની આઝાદી છે તો કંઈ પણ બોલી દો. બોલીવુડના વિભીષણ.’

એક યુઝરે આ વાત પર રિએક્શન આપ્યું કે, ‘ભારતમાં કોઈ આઝાદ નથી. સફાઈકામ કરનાર અને રસોઈયા જબરદસ્તીથી તમારા ઘરમાં ઘુસી જાય છે અને તમને કામ નથી કરવા દેતા. #SonamKapoor.’

હદ તો ત્યારે થઇ ગઈ જ્યારે એક યુઝરે લખ્યું કે, ‘હું એક પિટીશનની શરૂઆત કરી રહ્યો છું. જે જબરદસ્તીથી તમારા ઘરમાં મદદ કરનારા લોકોને તમારી આઝાદી છીનવતા રોકશે.

જુઓ અન્ય યુઝરે શું લખ્યું?

જાહેર છે કે સોનમ હવે ટ્રોલના નિશાને છે. અને તેઓ સોનમના આ નિવેદન પર અલગ અલગ અને મનફાવે તેમ કોમેન્ટ્સ કરી રહ્યા છે. જો કે સોનમે આ નિવેદન લંડનમાં તેના જીવન વિશે આપ્યું હતું. બાદમાં કેટલાક લોકોએ આ બાબતે સોનમ સામે ટ્રોલ પોસ્ટ કરીને આ વાતમાં આગ ચાંપવાનું કામ કર્યું હોય તેવું લાગી રહ્યું છે.

આ પણ વાંચો: ત્વચાની આ સમસ્યાઓ માટે ક્યાંય જવાની જરૂર નથી, તમારા ઘરે જ છે મધ નામની ઔષધી, જાણો ફાયદા

આ પણ વાંચો: ના, આ કોઈ ફિલ્મની હિરોઈન નહીં, આ છે ભારતનું ગર્વ IPS પૂજા યાદવ: જાણો તેમના વિશે