Happy Birthday Mithun Chakraborty: પહેલા ટેકમાં સીન પૂર્ણ કરી લે છે મિથુન, બોલિવૂડમાં પ્રખ્યાત હતો ‘ચક્રવર્તી શોટ’

હિન્દી સિનેમાના પ્રખ્યાત અભિનેતા મિથુન ચક્રવર્તીએ પડદા પર પોતાનાં અભિનય સાથે ડાન્સ અને એક્શનની સાથે લાંબા સમયથી સ્ક્રીન પર હેડલાઇન્સ બનાવી હતી. તે પોતાના ખાસ અભિનય અને ડાન્સ માટે હંમેશાં દર્શકોની પહેલી પસંદ છે. મિથુન ચક્રવર્તીનો જન્મ 16 જૂન 1950 ના રોજ થયો હતો. તેમણે પ્રારંભિક અભ્યાસ કોલકત્તાથી કર્યો હતો. તેમનો શરૂઆતથી જ અભિનય તરફ ઝુકાવ હતો. આજ કારણથી મિથુન ચક્રવર્તી અભિનયનો અભ્યાસ કરવા પુણે ફિલ્મ એન્ડ ટેલિવિઝન ઇન્સ્ટિટ્યૂટ ઓફ ઇન્ડિયામાં ચાલ્યા ગયા હતા.

લાંબા સંઘર્ષ પછી, મિથુન ચક્રવર્તીએ વર્ષ 1976 માં મૃણાલ સેનની બંગાળી ફિલ્મ મૃગયાથી અભિનયની શરૂઆત કરી હતી. આ ફિલ્મ માટે તેમને શ્રેષ્ઠ અભિનેતાનો નેશનલ ફિલ્મ એવોર્ડ પણ મળ્યો અને તે પછી મિથુન ચક્રવર્તીએ ક્યારેય પાછળ જોયું નથી. તેમની બોલિવૂડની પહેલી ફિલ્મ દો અંજાને હતી. આ ફિલ્મમાં તેમની ખૂબ ઓછી ભૂમિકા હતી.

આ પછી તેમણે તેરે પ્યાર મેં (Tere Pyar Mein), પ્રેમ વિવાહ (Prem Vivah), હમ પાંચ (Hum Paanch), ડિસ્કો ડાન્સર (Disco Dancer), હમ સે હૈ ઝમાના (Hum Se Hai Zamana), ઘર એક મંદિર (Ghar Ek Mandir), અગ્નિપથ (Agneepath), ગોલમાલ 3 (Golmaal 3), ખિલાડી 786 (Khiladi 786) અને તાશકંદ ફાઇલ્સ (The Tashkent Files) માં કામ કર્યું.

અભિનય સિવાય બહુ ઓછા લોકો જાણે છે કે મિથુન ચક્રવર્તીએ માર્શલ આર્ટમાં નિષ્ણાંત તાલીમ લીધી છે અને તે બ્લેક બેલ્ટ પણ છે. એટલું જ નહીં, તેમણે પશ્ચિમ બંગાળ સ્ટેટ રેસલિંગ પણ જીતી લીધી છે. મિથુન ચક્રવર્તી ડિસ્કો ડાન્સર એમ જ નથી બન્યા, તેઓ ફિલ્મોમાં પ્રવેશ કરતા પહેલા ડાન્સિંગ ડિવા હેલનનાં આસિસ્ટન્ટ હતા. આ વાત મિથુન ચક્રવર્તીના બહુ ઓછા ચાહકો જાણતા હશે કે એક સમયે ફિલ્મ ઉદ્યોગમાં ‘ચક્રવર્તી શોટ’ પણ ચાલે છે, કારણ કે તે પહેલા ટેકમાં જે સીન પૂર્ણ કરી લેતા હતા.

આ વાતનો ખુલાસો વર્ષ 2017 માં ટીવી શો ડાન્સ ઈન્ડિયા ડાન્સના સીઝન 6 ના સ્ટેજ પર પણ બહાર આવ્યો હતો, જેમાં સલમાન ખાન અને મિથુન સાથે હતા. સલમાને આ સમય દરમિયાન મિથુનને લાગતો એક રસપ્રદ કિસ્સો કહ્યો હતો કે મિથુન દા તેમના સંઘર્ષનાં દિવસોમાં એક દિવસમાં ચાર શિફ્ટમાં કામ કરતા હતા. ચારેય જુદી જુદી ફિલ્મો માટે જુદા જુદા દ્રશ્યો પૂર્ણ કરવા માટે એક સેટથી બીજા સેટ જતા હતા. તેઓ આ એટલા માટે કરી શક્તા હતા કારણકે તેઓ એક ટેકમાં શોટ પુરા કરવા વાળા કલાકાર હતા.

આવી સ્થિતિમાં, નવોદિતો જેઓ શોટ આપવા માટે વધુ સમય લેતા હતા, તેમને ફિલ્મ નિર્માતા ઘણીવાર દાદાનું ઉદાહરણ આપતા અને કહેતા હતા કે એતો એક જ સિંગલ એટલે કે ચક્રવર્તી શોટ આપે.

ચાલો તમને જણાવી દઈએ કે આ પોતે જ એક રેકોર્ડ છે. 3 નેશનલ, 2 ફિલ્મફેર એવોર્ડ્સ અને ઘણા વધુ એવોર્ડ જીતવા વળા મિથુન ચક્રવર્તીએ લગભગ 300 થી વધુ ફિલ્મોમાં કામ કર્યું છે. જેમાં, હિન્દી, બંગાળી, ભોજપુરી અને પંજાબી ભાષાની ફિલ્મો પણ સામેલ છે. એક સારા કલાકારની સાથે મિથુન એક સફળ બિઝનેસમેન પણ છે. ઉટી (Ooty), દાર્જીલિંગ (Darjeeling), સીલીગુરી (Siliguri), કલકત્તા (Kolkata) અને ઘણી બધી જગ્યાએ મિથુનની હોટલો છે જે ખૂબ પ્રખ્યાત છે.