Guinness World Records: Kapoor Family થી લઈને Asha Bhosle સુધીનાં સેલેબ્સ કે જેમની એન્ટ્રી છે આ રેકોર્ડમાં
હિન્દી સિનેમાએ તેના 100 વર્ષ પૂર્ણ કર્યા છે પરંતુ તેનો જાદુ આજે પણ દર્શકો પર રાજ કરે છે. બોલીવુડમાં કોમર્શિયલ અને નોન-કોમર્શિયલ ફિલ્મો આજે પણ લોકોનાં દિલો પર રાજ કરે છે.
જગદીશ રાજ (Jagdish Raj) પાસે વિશેષ રેકોર્ડ છે જેનાથી ખુબ ઓછા લોકો પરિચિત હશે. તેમણે 144 ફિલ્મોમાં પોલીસ નિરીક્ષકની ભૂમિકા ભજવી હતી. આ માટે ગિનીસ વર્લ્ડ રેકોર્ડ્સ (Guinness World Records) માં તેમનું નામ નોંધાયું છે.
અભિષેક બચ્ચને (Abhishek Bachchan) પિતા અમિતાભની જેમ નામ રોશન કરીને ગિનીસ વર્લ્ડ રેકોર્ડ્સમાં પોતાનું નામ નોંધાવ્યું છે. તેમણે ફિલ્મ દિલ્હી 6 ના પ્રમોશન દરમિયાન 12 કલાકમાં અનેક સ્થળે ફિલ્મનું પ્રમોશન કર્યું હતું. જેમાં દિલ્હીમાં સિલેક્ટ સિટી વોક મોલ અને ઇડીએમ પણ સામેલ છે.
આ યાદીમાં બોલિવૂડના પ્લેબેક સિંગર કુમાર સાનુ (Kumar Sanu) નો પણ સમાવેશ કરવામાં આવ્યો છે. તેમણે આ એવોર્ડ 1993 માં એક જ દિવસમાં 28 ગીતો ગાવા બદલ મળ્યો હતો. તમને જણાવી દઈએ કે કુમાર સાનુના અત્યાર સુધીના તમામ ગીતો ખૂબ સુપરહિટ સાબિત થયા છે, પરંતુ તેમને ઓળખ બ્લોકબસ્ટર ફિલ્મ આશિકીના ગીતો ગાવાના લીધે મળી હતી.
નકારાત્મક ભૂમિકામાં પોતાના જોરદાર અભિનય માટે જાણીતી અભિનેત્રી લલિતા પવાર (Lalita Pawar) પણ આ રેસમાં છે. તમને જણાવી દઈએ કે તેમણે બાર વર્ષની ઉંમરેથી બોલિવૂડમાં પગ મૂક્યો હતો અને 70 વર્ષની ફિલ્મ કારકીર્દિમાં સાતસોથી વધુ ફિલ્મોમાં સતત કામ કર્યું છે. લલિતા પવાર એકમાત્ર એવી અભિનેત્રી છે કે જેમણે સતત 70 વર્ષ સુધી બોલિવૂડમાં કામ કર્યું.
