Breaking News: Ullu App સહિત 25 OTT પ્લેટફોર્મ પર સરકારે મુક્યો પ્રતિબંધ, અશ્લીલ કન્ટેન્ટ દેખાડવાનો હતો આરોપ
માહિતી અને પ્રસારણ મંત્રાલયના આદેશમાં જણાવાયું છે કે કેન્દ્ર સરકાર ગેરકાયદેસર, અશ્લીલ અને વાંધાજનક ડિજિટલ સામગ્રીની વિરુદ્ધ છે. સરકારે આવી સામગ્રી પીરસતી મોબાઇલ એપ્લિકેશનોની યાદી બનાવી અને તેમને બ્લોક કરવાનો આદેશ જાહેર કર્યો છે.
કેન્દ્ર સરકારે સોફ્ટ પોર્ન કન્ટેન્ટ સામે કડક કાર્યવાહી કરી છે. આ અંતર્ગત ઉલ્લુ એપ, એએલટીટી, ડેસિફ્લિક્સ અને બિગ શોટ્સ જેવી ઘણી એપ્સ પર પ્રતિબંધ મૂકવામાં આવ્યો છે. સરકારે આ સંદર્ભમાં એક નોટિફિકેશન બહાર પાડ્યું છે. સરકારે એક નોટિફિકેશન બહાર પાડીને ઇન્ટરનેટ સેવા પ્રદાતાઓને દેશભરમાં આવી સોફ્ટ પોર્ન કન્ટેન્ટ દર્શાવતી 25 વેબસાઇટ્સને તાત્કાલિક બ્લોક કરવાનો નિર્દેશ આપ્યો છે.
સત્તાવાર સૂત્રોના જણાવ્યા અનુસાર, આ પ્લેટફોર્મ્સ આઇટી નિયમોનું ઉલ્લંઘન કરતા જોવા મળ્યા હતા. આ પ્લેટફોર્મ્સ નિયમોનું ઉલ્લંઘન કરીને અશ્લીલ અને વાંધાજનક કન્ટેન્ટ પીરસી રહ્યા હતા, ત્યારબાદ આ પગલું લેવામાં આવ્યું છે. ઇલેક્ટ્રોનિક્સ અને માહિતી ટેકનોલોજી મંત્રાલયને ઘણી ફરિયાદો મળી હતી કે આ એપ્સ ઇરોટિક વેબ સિરીઝના નામ હેઠળ પુખ્ત સામગ્રી રજૂ કરી રહી છે.
સરકારે આદેશમાં શું કહ્યું?
માહિતી અને પ્રસારણ મંત્રાલયના આદેશમાં જણાવાયું છે કે કેન્દ્ર સરકાર ગેરકાયદેસર, અશ્લીલ અને વાંધાજનક ડિજિટલ સામગ્રીની વિરુદ્ધ છે. સરકારે આવી સામગ્રી પીરસતી મોબાઇલ એપ્લિકેશનોની યાદી બનાવી અને તેમને બ્લોક કરવાનો આદેશ જાહેર કર્યો છે. આવી 25 એપ્લિકેશનો અને વેબસાઇટ્સ છે જેની સામે કાર્યવાહી કરવામાં આવી છે. 25 એપ્લિકેશનો પર પ્રતિબંધ મૂકવાની કાર્યવાહી માહિતી ટેકનોલોજી અધિનિયમ 2000 (IT એક્ટ 2000) અને IT એક્ટ 2021 (મધ્યસ્થી માર્ગદર્શિકા અને ડિજિટલ મીડિયા કોડ ઓફ એથિક્સ) હેઠળ કરવામાં આવી છે.
આ OTT એપ્લિકેશનો પર પ્રતિબંધ મૂકવામાં આવ્યો
ALTT, ULLU, Big Shots App, Desiflix, Boomex, Navarasa Lite, Gulab App, Kangan App, Bull App, Jalva App, Wow Entertainment, Look Entertainment, Hitprime, Feneo, ShowX, Sol Talkies, Adda TV, HotX VIP, Hulchul App, MoodX, NeonX VIP, Fugi, Mojflix, Triflicks
માર્ચ 2024 માં પણ આવી એપ્સ પર પ્રતિબંધ મૂકવામાં આવ્યો હતો
જાણવી દઈ એ કે ગયા વર્ષે માહિતી અને પ્રસારણ મંત્રાલયે પણ 14 માર્ચ, 2024 ના રોજ એક આદેશ જાહેર કરીને 18 OTT પ્લેટફોર્મ, 19 વેબસાઇટ્સ, 10 મોબાઇલ એપ્સ (7 Google Play Store પર અને 3 Apple App Store પર) અને 57 સોશિયલ મીડિયા એકાઉન્ટ્સ (Facebook, Instagram, X, YouTube) પર પ્રતિબંધ મૂક્યો હતો.
આ પ્લેટફોર્મ પર મહિલાને લઈને અશ્લીલ, અભદ્ર અને અપમાનજનક સામગ્રી પ્રસારિત કરવાનો આરોપ હતો, સરકારે આ પ્લેટફોર્મને તાત્કાલિક બ્લોક કરવાનો આદેશ જાહેર કર્યો હતો.
