Baahubali ફિલ્મના 6 વર્ષ પુરા થતા ચાહકોએ વોટ્સએપ પાસે કરી અનોખી માંગ, જાણો શું છે એમની ઈચ્છા
Baahubali The Beginning : આ ફિલ્મના છ વર્ષ પૂરા થવા પર ચાહકોએ માંગ કરી છે કે વોટ્સએપ પર આ ફિલ્મના વિવિધ ઇમોજી બનાવવામાં આવે જેથી તેઓ આ ઈમોજીને તેના મિત્રોને મોકલી શકે.
બાહુબલી એ એક ફિલ્મ જેણે ભારતના સિનેમાજગતને નવી ઓળખ આપી. આ ફિલ્મના પહેલા ભાગ Baahubali The Beginning ને 6 વર્ષ પુરા થયા છે. એસ.એસ.રાજામૌલી (SS Rajamouli) ની આ ફિલ્મે સફળતાના એવા રેકોર્ડ બનાવ્યા છે કે ત્યાં સુધી કોઈ અન્ય ફિલ્મ પહોચી શકી નથી. Baahubali The Beginning આ ફિલ્મે પ્રભાસ (Prabhas) ની કારકિર્દીને એટલું મોટું પરિમાણ આપ્યું કે રાતોરાત તે ભારતનો સૌથી મોટો સુપરસ્ટાર બની ગયો.બાહુબલી ફિલ્મે પ્રભાસને દેશનો સૌથી મોંઘો સ્ટાર બનાવ્યો. હવે તે તેની ફિલ્મ માટે 30 કરોડ ફી લે છે.
આ ફિલ્મે પહેલા જ દિવસે 75 કરોડ રૂપિયાનો બિઝનેસ કર્યો હતો. જે ભારતમાં કોઈ પણ ફિલ્મના પહેલા દિવસના બિઝનેસનો રેકોર્ડ હતો.પ્રભાસની સાથે રાણા દુગ્ગુબાટીની કારકિર્દીમાં પણ મોટો ઉછાળો આવ્યો.આંકડા મુજબ આ ફિલ્મે બોક્સ ઓફિસ પર કુલ 3600 કરોડથી વધુનું કલેક્શન કર્યું હતું. જે આજ સુધીની કોઈપણ ફિલ્મનો સૌથી મોટો રેકોર્ડ છે.
આ ફિલ્મના રિલીઝ થયાને આજે બરાબર છ વર્ષ પુરા થયા છે, જેણે બોક્સ ઓફિસ પર જબરદસ્ત સફળતા મેળવી હતી. આ પ્રસંગે પ્રભાસે તેની જૂની યાદોને તેના સોશ્યલ મીડિયા પર શેર કરી છે. આ ખાસ દિવસે પ્રભાસ અને બાહુબલીના ચાહકોએ પણ પ્રખ્યાત સોશ્યલ મીડિયા પ્લેટફોર્મ વોટ્સએપ પર બાહુબલી માટે ઇમોજી બનાવવાની ખાસ માંગ કરી છે.
આ ફિલ્મ પછી પહેલીવાર આખી દુનિયા સામે એક સવાલ આવ્યો કે કટપ્પાએ બાહુબલીને શું કામ માર્યો? લગભગ એક વર્ષ સુધી સિરીઝની આગામી ફિલ્મ ન જોઇ ત્યાં સુધી કોઈ તેનો જવાબ શોધી શક્યા નહીં.
અહીં જુઓ થોડા ટ્વીટ
