ઋષભ પંત નહીં રિહાનાના Ex બોયફ્રેન્ડને ડેટ કરી રહી છે ઉર્વશી રૌતેલા? જાણો કોણ છે આ વિદેશી

બોલિવૂડ એક્ટ્રેસ ઉર્વશી રૌતેલા પોતાની પર્સનલ લાઈફને લઈને ઘણીવાર ચર્ચામાં રહે છે. તેનું નામ ભારતીય ક્રિકેટર ઋષભ પંત સાથે જોડવામાં આવ્યું છે પરંતુ બંનેમાંથી કોઈએ ક્યારેય આ સંબંધનો સ્વીકાર કર્યો નથી. હવે આ દરમિયાન ઉર્વશીની સાથે અન્ય એક નામની પણ ચર્ચા થવા લાગી છે. ઋષભ બાદ અભિનેત્રીના નામ એક વિદેશી ફૂટબોલર સાથે જોડાઈ ગયું છે. સોશિયલ મીડિયા પર બંનેની તસવીરો પણ સામે આવી છે. તમને જણાવી દઈએ કે તે વિદેશી ફુટબોલર રિહાનાનો એક્સ બોયફ્રેન્ડ રહી ચૂક્યો છે.

રિહાનાના એક્સ સાથે દેખાઈ ઉર્વશી

વાસ્તવમાં, જે વ્યક્તિ સાથે ઉર્વશી રૌતેલાનું નામ જોડવામાં આવી રહ્યું છે તે બીજું કોઈ નહીં પણ પ્રખ્યાત ફ્રેન્ચ ફૂટબોલર કરીમ બેન્ઝેમા છે. અભિનેત્રીએ તેના ઈન્સ્ટાગ્રામ પર તસવીરો પણ શેર કરી છે. તેની આ પોસ્ટ સામે આવ્યા બાદ લોકોએ તેના પર જોરદાર કમેન્ટ કરવાનું શરૂ કરી દીધું હતું. નેટીઝન્સે ચોંકાવનારી પ્રતિક્રિયાઓ આપી છે. એકે કટાક્ષ કરીને લખ્યું, ‘શું ચાલી રહ્યું છે ભાઈ?’ બીજાએ લખ્યું, ‘શું તે કરીમ બેન્ઝેમાને ડેટ કરી રહી છે?’ જો કે આ મામલે અભિનેત્રી દ્વારા હજુ સુધી કોઈ પ્રતિક્રિયા આપવામાં આવી નથી.

ફ્રેન્ચ ફૂટબોલર છે કરીમ બેન્ઝેમાં

ફૂટબોલર કરીમ બેન્ઝેમા અગાઉ રિહાનાને ડેટ કરી ચૂક્યા છે. રિહાના અને કરીમ બંને એકબીજાના એક્સ રહી ચૂક્યા છે. આ ફૂટબોલર પહેલાથી જ મેરિડ છે. તે સૌથી સફળ ફૂટબોલ સેન્સેશન છે. એટલું જ નહીં, તે 5 વખત વર્લ્ડ કપ ટ્રોફી જીતનાર વિશ્વનો એકમાત્ર ખેલાડી છે અને તે ભૂતકાળમાં બેલોન ડી’ઓર પણ જીતી ચૂક્યો છે.

શુક્રવારે 12 એપ્રિલે ઉર્વશી રૌતેલાએ તેના ઓફિશિયલ ઈન્સ્ટાગ્રામ એકાઉન્ટ પર કેટલીક તસવીરો શેર કરી હતી. અભિનેત્રીએ આ પોસ્ટમાં બે ફોટા પોસ્ટ કર્યા છે. આ સાથે કેપ્શનમાં બ્લેક કલરનું હાર્ટ ઈમોજી પણ બનાવવામાં આવ્યું છે. આ સિવાય ઉર્વશીએ પણ આ પોસ્ટમાં પોતાની લાગણી વ્યક્ત કરી છે.