અજય દેવગનની (Ajay Devgan) પુત્રી ન્યાસા દેવગન (Nysa Devgan) આ દિવસોમાં તે વેકેસન એન્જોય કરી રહી છે, હાલમાં જ તેની કેટલીક તસવીરો સોશિયલ મીડિયા પર સામે આવી હતી અને તેને જોતા જ તે વાયરલ થઈ ગઈ છે. પરંતુ આ વખતે તેનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે ખુલીને ડાન્સ કરતી જોવા મળે છે. અજય દેવગન અને કાજોલની પુત્રી ન્યાસા દેવગન આ દિવસોમાં તેના ક્લોઝ ફ્રેન્ડસ્ સાથે ગ્રીસમાં વેકેસન એન્જોય કરી રહી છે. સામે આવેલા વીડિયોમાં ન્યાસા દિલ ખોલીને ડાન્સ કરતી જોવા મળી રહી છે.
ગ્રીસમાં પાર્ટી કરતી ન્યાસાનો આ વીડિયો પણ લોકોને ઘણો પસંદ આવી રહ્યો છે. બ્લુ એન્ડ વ્હાઇટ આઉટફિટમાં ન્યાસા દેવગન ખૂબ જ સુંદર લાગી રહી છે. વીડિયોમાં તમે જોઈ શકો છો કે ન્યાસા પોતાનું ડ્રિંક ટેબલ પર રાખે છે અને પછી ડાન્સ કરવા લાગે છે. ત્યાં બેઠેલા તેના ખાસ મિત્ર ઓરી અને ત્યાં હાજર તમામ લોકો ન્યાસાનો ડાન્સ જોઈને ખૂબ જ ખુશ છે. ન્યાસા દેવગન અને તેના મિત્રો હાલમાં વરુણ ધવન અને જાહ્નવી કપૂરને પણ મળ્યા હતા જેઓ તે સમયે એમ્સ્ટરડેમમાં શૂટિંગ કરી રહ્યા હતા.
હાલમાં જ એક ન્યૂઝ પોર્ટલને કાજોલે આપેલા ઈન્ટરવ્યુમાં ન્યાસાના ફિલ્મોમાં આવવા વિશે જાણકારી આપી હતી. તેણે કહ્યું હતું કે કોઈ પણ બાબતે નિર્ણય લેવા માટે તેને શંકાના દાયરામાં રાખવામાં આવશે નહીં. કાજોલે કહ્યું કે તે ન્યાસાને ક્યારેય કોઈ સૂચના નહીં આપે કે તેણે ફિલ્મ ઈન્ડસ્ટ્રીમાં પ્રવેશ કરવો જોઈએ કે નહીં. આ ન્યાસાનો નિર્ણય છે, જે તેમણે પોતે લેવો જોઈએ.
બોલિવૂડ ન્યૂઝ મુજબ અજય દેવગન અને કાજોલની પુત્રી ન્યાસા દેવગન આ દિવસોમાં સ્વિટ્ઝરલેન્ડમાં ઇન્ટરનેશનલ હોસ્પિટાલિટીનો અભ્યાસ કરી રહી છે. ન્યાસા દેવગન સાથે જોડાયેલા સમાચાર હાલમાં જ સામે આવ્યા હતા કે તે વેદાંત મહાજનને ડેટ કરી રહી છે. બંનેની સાથેની ઘણી તસવીરો સોશિયલ મીડિયા પર અત્યાર સુધીમાં સામે આવી છે. પરંતુ હજુ સુધી બંનેમાંથી કોઈએ આ અંગે કોઈ પ્રતિક્રિયા આપી નથી.