Liger First Glimpse : વિજય દેવેરાકોંડા અને અનન્યા પાંડેની ફિલ્મ ‘Liger’નું ટીઝર રિલીઝ થતા જ LigerFirstGlimpse થવા લાગ્યું ટ્રેન્ડ

વિજય દેવેરાકોંડા (Vijay Deverakonda) અને અનન્યા પાંડેની(Ananya Panday)  મોસ્ટ અવેટેડ ફિલ્મ ‘લાઇગર’ (LIGER) ને લઈને ઘણા સમયથી ચર્ચા ચાલી રહી છે. તેની રીલીઝ ડેટ પહેલાથી જ જાહેર કરવામાં આવી હતી પરંતુ દરેક તેની પ્રથમ ઝલકની આતુરતાથી રાહ જોઈ રહ્યા છે. આ ફિલ્મના નિર્માતાઓએ આજે ​​દર્શકો વચ્ચે તેની પ્રથમ ઝલક લાવવાની જાહેરાત કરી હતી અને હવે તે દર્શકોની વચ્ચે આવી ગઈ છે. સાઉથનો સુપરસ્ટાર વિજય દેવેરાકોંડા હવે બોલિવૂડમાં પણ ધૂમ મચાવવા માટે તૈયાર છે.

સાઉથના સુપરસ્ટાર વિજય દેવેરાકોંડા, માઈક ટાયસન અને અનન્યા પાંડેની’LIGER’ ફિલ્મનો ટીઝર વીડિયો રિલીઝ થઈ ગયો છે. છેલ્લા ઘણા મહિનાઓથી આ ફિલ્મ સતત ચર્ચામાં છે અને હવે કરણ જોહરના ધર્મા પ્રોડક્શને ફિલ્મ ‘LIGER’ની પહેલી ઝલક શેર કરી છે. આ 53-સેકન્ડના ટીઝર વીડિયોમાં (LIGER ફર્સ્ટ ગ્લિમ્પ્સ) ‘Liger’ એટલે કે વિજય દેવેરાકોંડાનો સંપૂર્ણ પરિચય જોવા મળે છે. આ સાથે રોનિત રાય અને ટીમના અન્ય સભ્યોની ઝલક પણ બતાવવામાં આવી છે.

ટીઝર વીડિયોની શરૂઆત ફાઈટ રિંગથી થાય છે. જ્યાં મુંબઈની ઝૂંપડપટ્ટીમાંથી એક ફાઇટર અને ચા વેચનાર ધમાકા સાથે રિંગમાં પ્રવેશે છે, ત્યારે દુનિયાની નજર ‘લાઇગર’ પર છે. આ ટીઝરમાં વિજય દેવરાકોંડાનું જબરદસ્ત શરીર અને તેની જુસ્સાદાર શૈલી દર્શકોને આકર્ષે છે. તે જ સમયે, ‘લાઇગર’ કોચ રોનિત રોયની ઝલક પણ જોવા મળે છે. વીડિયો શેર કરતા કરણ જોહરે લખ્યું, ‘વાટ લગા દેંગે’. આ બાદ #LigerFirstGlimpse ટ્વીટ પર ટ્રેન્ડ કરી રહ્યું છે.

આ પહેલીવાર છે જ્યારે વિજય દેવરાકોંડા અને અનન્યા પાંડેની કેમેસ્ટ્રી સ્ક્રીન પર જોવા મળશે. જોડી અને એક્શન થ્રિલર ફિલ્મનું નિર્દેશન પુરી જગન્નાધ દ્વારા કરવામાં આવ્યું છે. આ ફિલ્મનું નિર્માણ કરણ જોહરના ધર્મા પ્રોડક્શન હેઠળ કરવામાં આવ્યું છે. આ એક એક્શન થ્રિલર ફિલ્મ હશે. જે હિન્દી, તમિલ, તેલુગુ, કન્નડ અને મલયાલમ ભાષાઓમાં રિલીઝ થશે.

વિજય દેવેરાકોંડા અને અનન્યા પાંડે ઉપરાંત ‘લાઇગર’માં રોનિત રોય, રામ્યા કૃષ્ણનથી લઈને મકરંદ દેશપાંડે જેવા ઘણા મજબૂત કલાકારો પણ છે. ‘લાઇગ’ની ચર્ચા રિયલ લાઈફ બોક્સર માઈક ટાયસનની પણ છે. તે પહેલીવાર બોલિવૂડ ફિલ્મમાં બોક્સિંગ કરતો જોવા મળશે. ફિલ્મમાં ટાયસન ‘લિગર’ના હરીફ તરીકે જોવા મળશે જે રિંગમાં દેવેરાકોંડાને મુશ્કેલીમાં મુકવા જઈ રહ્યો છે.

આ પણ વાંચો : Fire in US Colorado: ભીષણ આગને કારણે આખું શહેર કરાવવામાં આવ્યું ખાલી, સેંકડો ઘર બળીને ખાખ થતા ઈમરજન્સી જાહેર

આ પણ વાંચો : CDS Helicopter Crash: હેલિકોપ્ટર દુર્ઘટનાનું કારણ જાણી શકાશે, ટ્રાઇ-સર્વિસ તપાસ રિપોર્ટ આજે કેન્દ્રને સુપરત કરી શકાવાની સંભાવના