Dilip Kumar Health Update: દિલીપ કુમારને હોસ્પિટલમાંથી મળી રજા, આ સ્થિતિમાં જોવા મળ્યા કલાકાર, જુઓ Photos
Dilip Kumar Health Update: અભિનેતા દિલીપ કુમારની તબિયતમાં સુધારો થઈ રહ્યો છે અને આજે તેમને હોસ્પિટલમાંથી રજા પણ આપવામાં આવી છે. હોસ્પિટલની બહારથી અભિનેતાની કેટલીક તસ્વીરો બહાર આવી છે.
પીઢ અભિનેતા દિલીપ કુમાર (Dilip Kumar) ને આખરે હોસ્પિટલમાંથી રજા આપવામાં આવી છે. દિલીપ કુમારની તબિયતમાં હવે ઘણો સુધારો જોવા મળી રહ્યો છે. ખૂબ જ નબળા હોવાને કારણે અભિનેતાને હિન્દુજા હોસ્પિટલમાંથી સ્ટ્રેચર પર એમ્બ્યુલન્સ સુધી લાવવામાં આવ્યા હતા. હવે એક્ટરની હાલત ઘણી સારી હોવાનું કહેવાય છે.
આપને જણાવી દઈએ કે રવિવારે દિલીપ કુમારને શ્વાસ લેવામાં તકલીફ હોવાને કારણે હોસ્પિટલમાં દાખલ કરવામાં આવ્યા હતા. જે બાદ તેમના ફેફસાંમાં જમા પાણીને દૂર કરવામાં આવ્યું છે. અભિનેતા ભયની બહાર છે.
હોસ્પિટલમાંથી બહાર આવેલા ફોટામાં અભિનેતા આંખો બંધ કરીને સૂતેલા જોવા મળી રહ્યા છે. જ્યારે પત્ની સાયરા બાનો ક્યારેક તેમના પતિને કિસ કરતા જોવા મળ્યા હતા, તો કેટલીક વાર તે સંભાળમાં વ્યસ્ત જોવા મળ્યા હતા.
આ સાથે અભિનેતાની પત્નીએ દિલીપકુમાર માટે પ્રાર્થના કરવા બદલ આભાર માન્યો છે અને આગળ પણ પ્રાર્થના કરવાનું કહ્યું છે.
આ પહેલા ચાહકો સામે સોમવારે 7 જૂન 2021 ની સાંજે હોસ્પિટલમાંથી દિલીપ કુમારનો ફોટો પણ સામે આવ્યો હતો. જે પછી સતત અભિનેતાની ઠીક થવા માટેની પ્રાર્થના કરી રહ્યા હતા.
દિલીપ કુમાર ટ્રેજેડી કિંગ તરીકે જાણીતા છે, અભિનેતાએ તેમની કારકિર્દીમાં એકથી એક નાયાબ ફિલ્મમાં કામ કરી ચૂક્યા છે. તે લાંબા સમયથી ફિલ્મોથી દૂર છે.
ઘણીવાર સાયરા બાનો દિલીપ કુમારનો ફોટો શેર કરતા રહે છે. અભિનેતા શાહરૂખ ખાન પણ અભિનેતાની મુલાકાત લેતા રહે છે. એવું કહેવામાં આવે છે કે દિલીપ સાહેબ શાહરૂખને તેમનો પુત્ર માને છે.
