Big News: રજત બેદીની ગાડીએ મારી એક રાહદારીને ટક્કર, અભિનેતા વિરુદ્ધ નોંધાઈ ફરિયાદ
અભિનેતા રજત બેદી મુશ્કેલીમાં ફસાયા છે. અભિનેતા વિરુદ્ધ DN નગર પોલીસ સ્ટેશનમાં કેસ નોંધવામાં આવ્યો છે. તેના પર એક રાહદારીને ટક્કર મારવાનો આરોપ છે.
અભિનેતા રજત બેદી (Rajat Bedi) વિરુદ્ધ ડીએન નગર પોલીસ સ્ટેશનમાં કેસ નોંધવામાં આવ્યો છે. અભિનેતા પર રસ્તા પર જતા વ્યક્તિને કાર સાથે ટક્કર મારવાનો આરોપ છે. રજત તે ઘાયલ વ્યક્તિને કૂપર હોસ્પિટલમાં લઈ ગયો. અભિનેતાએ ત્યાં કહ્યું કે તેનાથી પોતાની કાર સાથે વ્યક્તિને ટક્કર વાગી ગઈ હતી.
અહેવાલો અનુસાર અભિનેતાએ વ્યક્તિના પરિવારને ખાતરી આપી છે કે તે તેની સંપૂર્ણ સારવાર કરશે. આ પછી અભિનેતા ત્યાંથી ચાલ્યો ગયો.
અહેવાલ અનુસાર, ડીએન નગર પોલીસ સ્ટેશનના વરિષ્ઠ નિરીક્ષક મિલિંદે જણાવ્યું હતું કે, રજત બેદી સામે IPC અને મોટર વ્હીકલ એક્ટ હેઠળ ફરિયાદ નોંધવામાં આવી છે. અત્યાર સુધી તેઓની ધરપકડ કરવામાં આવી નથી. આ વ્યક્તિની સારવાર કરી રહેલા ડોક્ટરોએ જણાવ્યું કે હાલમાં તેની હાલત અત્યંત નાજુક છે અને તેને માથામાં ઈજા થઈ છે. તે ICU માં ઓક્સિજન સપોર્ટ પર છે. તેમને લોહીની જરૂર છે.
Mumbai: Case registered against actor Rajat Bedi in DN Nagar PS for allegedly hitting a person with his car in Andheri area
The actor brought the injured to Cooper hospital, where he (actor) told he had hit the victim with his car. Victim admitted to hospital: DN Nagar police
— ANI (@ANI) September 7, 2021
તે જ સમયે, પીડિતાની પત્ની કહે છે, ‘આ અકસ્માત સવારે 6.30 વાગ્યે થયો જ્યારે મારા પતિ કામ પરથી પાછા આવી રહ્યા હતા અને તે નશામાં હતા. જ્યારે મારા પતિ રસ્તો ક્રોસ કરી રહ્યા હતા ત્યારે રજતે તેમને ટક્કર મારી. મારા પતિ પડી ગયા અને તેમને ઈજા થઈ.
‘આ પછી રજત તેને કૂપર હોસ્પિટલ લઈ ગયો. અભિનેતાએ કહ્યું કે મારા પતિ અચાનક તેમની કારની સામે આવ્યા. તેણે કહ્યું છે કે તે અમને મદદ કરશે. તેણે કહ્યું હતું કે તે અને તેનો ડ્રાઇવર હોસ્પિટલમાં રહેશે, પરંતુ પછીથી કહ્યું કે તે જઇ રહ્યો છે અને પાછો ન આવ્યો. જો મારા પતિને કંઈ થશે તો રજત તેના માટે જવાબદાર રહેશે. તેમની ધરપકડ થવી જોઈએ.’
તમને જણાવી દઈએ કે રજત બેદી એક અભિનેતા, ટીવી નિર્માતા, સ્ટંટમેન અને ઉદ્યોગસાહસિક છે. તેણે કોઈ મિલ ગયા, હીરો, રક્ત જેવી હિટ ફિલ્મો સહિત ઘણી ફિલ્મોમાં કામ કર્યું છે. તે ફિલ્મોમાં સહાયક ભૂમિકાઓમાં દેખાયો છે. આ સિવાય તેણે મોટાભાગે વિલનની ભૂમિકા ભજવી હતી.
આ પણ વાંચો: ‘નામ? બોન્ડ, જેમ્સ બોન્ડ’: પહેલીવાર હોલિવૂડ ફિલ્મ રિલીઝ થશે ગુજરાતી ભાષામાં, જુઓ ગુજરાતી ટ્રેલર
આ પણ વાંચો: સિદ્ધાર્થ શુક્લના મૃત્યુ પછી, માતાએ કહ્યા આ બે ‘શક્તિશાળી શબ્દો’, બ્રહ્માકુમારી સિસ્ટર શિવાનીએ કહી આ વાત
