Gautam Prajapati | Edited By: Bipin Prajapati
Jan 27, 2021 | 12:13 PM
90 ના દાયકામાં બોબી દેઓલનો સોનેરી સમય હતો. 'બરસાત'ની સફળતા બાદ તેણે એશ્વર્યા રાય સાથે ફિલ્મ 'ઔર પ્યાર હો ગયા'માં કામ કર્યું.
બે રોમેન્ટિક ફિલ્મો કર્યા પછી, તેણે થ્રિલર મૂવીમાં પણ હાથ અજમાવ્યો. અને ફિલ્મ ગુપ્ત: ધ હિડન ટ્રુથ ખુબ વખણાઈ. બોબી દેઓલ પહેલીવાર રોમેન્ટિક રોલ સિવાય કોઈ ગંભીર પાત્રમાં જોવા મળ્યો હતો. અને તેની પ્રશંસા પણ કરવામાં આવી.
બાદમાં બોબી દેઓલ 'કરીબ', 'સોલ્જર', 'બાદલ', '23 માર્ચ 1931 શહીદ' જેવી ફિલ્મોમાં દેખાયા અને અદ્દભુત અભિનય કર્યો. આ ફિલ્મો પછી પણ તેની ઘણી ફિલ્મો આવી પરંતુ તે મોટા પડદે ફ્લોપ રહી.
2000 માં, રિતિક રોશને ફિલ્મ 'કહો ના પ્યાર હૈ' થી ડેબ્યૂ કર્યું અને પછી જેનો ડર હતો તે જ બન્યું. રિતિક રોશન લોન્ચ થતાની સાથે જ બોબીનો ફેન વર્ગ પલટાયો અને રિતિકના ક્રેઝ સાથે રંગાયો.
ત્રણ વર્ષ સુધી મેગેઝિન પર માત્ર રિતિક રોશનની ચર્ચા થતી હતી. આ દરમિયાન બોબીની 'હમારાજ' અને 'અજનબી' જેવી રોમાંચક ફિલ્મો બહાર આવી, પણ યશરાજની રોમેન્ટિક ફિલ્મોની સામે બોબીની ફિલ્મો ક્યાંક ગાયબ થઈ ગઈ.
તાજેતરમાં આશ્રમ વેબ સિરીઝથી બોબી ફરી ચર્ચામાં આવ્યા છે.