Ashutosh Rana Birthday : આશુતોષ રાણાએ કવિતા સંભળાવીને રેણુકા શહાણેને કર્યુ હતુ પ્રપોઝ, જાણો તેમની લવ સ્ટોરી

બોલિવૂડ (Bollywood) એક્ટર આશુતોષ રાણા (Ashutosh Rana) હિન્દી સિનેમાનો જાણીતો ચહેરો છે. અભિનેતાના ઉત્કૃષ્ટ અભિનયએ નકારાત્મક ભૂમિકાઓનો ટ્રેન્ડ સેટ કર્યો હતો. અભિનેતા હોવા ઉપરાંત આશુતોષ નિર્માતા, લેખક પણ છે. અભિનેતાએ મરાઠી, તેલુગુ, કન્નડ, તમિલ અને હિન્દી ફિલ્મોમાં કામ કર્યું છે. તેને ‘દુશ્મન’ અને ‘સંઘર્ષ’ જેવી ફિલ્મો માટે ફિલ્મફેર એવોર્ડ મળ્યો છે.

અભિનય સિવાય આશુતોષે ‘મૌન મુસ્કાન કી માર’ અને ‘રામ રાજ્ય’ જેવા પુસ્તકો લખ્યા છે. આજે તેમના જન્મદિવસના ખાસ અવસર પર જાણીએ તેમના જીવન સાથે જોડાયેલી વાતો. આશુતોષ રાણાએ પોતાના કરિયરની શરૂઆત ટીવીથી કરી હતી. તેણે સ્વાભિમાન, ફર્ઝ, સાજીશ, વારિસ અને બાઝી કિસ્કી જેવા ટીવી શો હોસ્ટ કર્યા છે. અભિનેતાએ કાલી એક અગ્નિપરીક્ષામાં ઠકરાલ નામનું નકારાત્મક પાત્ર ભજવ્યું હતું.

ફિલ્મોમાં તેની કરિયરને ફિલ્મ ‘દુશ્મન’થી ઓળખ મળી. આમાં તેણે સાયકો કિલરનો રોલ કર્યો હતો. આ સિવાય ફિલ્મ ‘સંઘર્ષ’માં ટ્રાન્સજેન્ડરનો રોલ કરીને લોકોને આશ્ચર્યચકિત કરી દીધા હતા. આશુતોષે ‘બાદલ’, ‘અબ કે બરસ’, ‘આવારાપન’ જેવી ફિલ્મોમાં શાનદાર ભૂમિકાઓ ભજવીને પોતાની ક્ષમતા સાબિત કરી.

રેણુકાને કવિતા સંભળાવીને કરી હતી પ્રપોઝ

આશુતોષ રાણાએ અભિનેત્રી રેણુકા શહાણે સાથે લગ્ન કર્યા છે. લગ્નના 19 વર્ષ બાદ પણ આ બંને સોશિયલ મીડિયા પર પ્રેમ જાહેર કરતા જોવા મળે છે. આશુતોષ રેણુકાને પહેલી નજરમાં જ પસંદ કરવા લાગ્યો હતો. અભિનેતાએ અગાઉ મરાઠી થિયેટર અને દિગ્દર્શક વિજય કેનકર સાથે લગ્ન કર્યા હતા, પરંતુ તેમના લગ્ન લાંબા સમય સુધી ટકી શક્યા નહીં અને પછીથી બંનેએ છૂટાછેડા લઈ લીધા.

આશુતોષે પહેલી મુલાકાતમાં રેણુકાને લિફ્ટ આપી. તે પછી બંને વચ્ચે કોઈ વાતચીત થઈ ન હતી. આ પછી એક દિવસ આશુતોષે રેણુકાને દશેરાના અવસર પર કોલ કરીને શુભકામનાઓ આપી. જો કે, અભિનેતાને ખબર ન હતી કે રેણુકા 10 વાગ્યા પછી અજાણ્યા નંબરના કોલનો જવાબ આપતી નથી. બાદમાં રેણુકાએ આભાર માન્યો અને પોતાનો અંગત નંબર આપ્યો. લગભગ 3 મહિના સુધી બંને ફોન પર વાત કરતા રહ્યા. થોડા સમય પછી કવિતા સંભળાવીને આશુતોષે રેણુકાને પ્રપોઝ કર્યું. રેણુકાએ કવિતાને હામાં જવાબ આપ્યો.

આ પણ વાંચો – Horoscope Today: દૈનિક રાશિફળ, મકર 10 નવેમ્બર: કોઈ સમસ્યાનું નિરાકરણ આવવાથી ઘરમાં શાંતિ રહેશે, જીવનસાથીનો સહયોગ મળશે

આ પણ વાંચો – Horoscope Today: દૈનિક રાશિફળ, વૃશ્ચિક 10 નવેમ્બર: મુશ્કેલ પરિસ્થિતિનો સામનો થશે, કોઈ તમારી લાચારીનો લાભ ઉઠાવી શકે છે

આ પણ વાંચો – શું કેટરિના કૈફ-વિક્કી કૌશલના લગ્ન માટે સલમાન ખાને મુલતવી રાખ્યું ‘ટાઈગર 3’નું શૂટિંગ?