Anil Kapoor ની પત્ની સુનિતાએ એનિવર્સરી પર શેર કર્યો અભિનેતાનો આ રમૂજી વીડિયો, લખ્યું – ‘મારા પાગલ પતિ’

અનિલ કપૂર અને તેમની પત્ની સુનિતા કપૂરે 19 મે ના રોજ તેમની 37 મી મેરેજ એનિવર્સરીની ઉજવણી કરી. આ પ્રસંગે બંનેએ સોશિયલ મીડિયા દ્વારા એકબીજાને અભિનંદન આપ્યા હતા. તેમના ઇન્સ્ટાગ્રામ પર, બંનેએ એકબીજા માટે એક સરસ પોસ્ટ શેર કરી અને જણાવ્યું કે તેઓ એક બીજા માટે કેટલા ખાસ છે.

અનિલે જ્યા સુનિતા સાથે કેટલાક અનસીન ફોટોઝ શેર કર્યા છે, તો સુનિતાએ તેમના ઇન્સ્ટા પર અનિલની સાથે એક રમૂજી વીડિયો શેર કર્યો છે જેમાં અભિનેતા મદમસ્ત થઈને ડાન્સ કરતા જોવા મળી રહ્યા છે.

સુનિતાએ જે વીડિયો શેર કર્યો છે તે એક પાર્ટીનો લાગે છે જેમાં આ બંને સિવાય ઘણા લોકો મજા કરતા જોવા મળી રહ્યા છે. વીડિયોમાં અનિલ પોતાના પ્રખ્યાત ગીત ‘રમતા જોગી’ પર જમીન પર બેસીને નાચતા જોવા મળે છે અને તેમનો ડાન્સ જોઈને પછી, દરેક લોકો તેમને ચીયરઅપ કરી રહ્યા છે.

વીડિયો શેર કરતાં સુનિતાએ લખ્યું કે, ‘મારા પાગલ અને ક્રેઝી પતિ. આ 37 વર્ષોને શાનદાર બનાવવા બદલ આભાર. કૃપા કરી મને આ રીતે એન્ટરટેઇન કરતા રહો. તમને ખૂબ પ્રેમ કરું છું ‘.

આ અગાઉ અનિલ કપૂરે એનિવર્સરીનાં પ્રસંગ પર સુનિતા અને તેમના પરિવાર સાથે કેટલાક ફોટા શેર કર્યા હતા. જેમાં તેમની પુત્રી સોનમ કપૂર, રિયા કપૂર, પુત્ર હર્ષવર્ધન કપૂર, જમાઈ આનંદ આહુજા, ભાઈ સંજય કપૂર અને બોની કપૂર, શ્રીદેવી, જાનવી કપૂર, મહિપ કપૂર, શનાયા કપૂર અને અંશુલા કપૂર પણ જોવા મળ્યા હતા.

આ ફોટાઓને શેર કરતાં અનિલે લખ્યું કે, ‘અમારી લવ સ્ટોરીની સામેની તમામ લવ સ્ટોરીઝ અને ક્વોટ્સ ટૂંકા પડે છે. હું જાણું છું કે જો તમે મારી સાથે હો, તો હું સુરક્ષિત, પ્રેમ અને ખુશી અનુભવું છું. તમે અમારા પરિવારનો એક મજબૂત આધારસ્તંભ છો. અમને ખબર નથી કે જો તમે અમારા જીવનમાં ન રહ્યા તો અમે અમારા જીવનમાં શું કરીશું.

હું વચન આપું છું કે હું આખી જિંદગી તમને પ્રેમ અને કિંમતી મહેસુસ કરાવતો રહીશ, તે જ રીતે જેવી રીતે તમે ડિઝર્વ કરો છો હેપી એનિવર્સરી ‘.