બુધવાર સાંજે આ કંકોત્રીનો વીડિયો સામે આવ્યો જેમાં આ કંકોત્રીને ખોલીને તેની ખાસિયતો દેખાડવામાં આવી. આ વીડિયોમાં જોઈ શકાય છે કે લગ્ન અને અન્ય મંગળ કાર્યોની જોડાયેલા કાર્ડ લાલ રંગના ડબ્બામાં હતા જેને ખોલતા જ વાંસળીનો મધુર અવાજ સાંભળવા મળે છે.
લગ્નની કંકોત્રીના ડબ્બા પર સૌથી ઉપર ભગવાન રાધા-કૃષ્ણનો મનમોહક ફોટો જોવા મળે છે. તો ડબ્બાની અંદરથી અન્ય ઘણાં કાર્ડ નીકળ્યા. તેના પર રાધા-કૃષ્ણ સિવાય ભગવાન ગણેશનો ફોટો, સમારોહની જાણકારીની સાથે આકાશના માતા નીતા અને મુકેશ અંબાણીનો ખાસ સંદેશ પણ લખેલો છે.
કહેવાઈ રહ્યું છે કે આ એક શાહી-મ્યુઝિકલ કંકોત્રીની કિંમત રૂપિયા 1 લાખથી દોઢ લાખ જેટલી છે.
આકાશ અંબાણીના લગ્ન 9 માર્ચના રોજ શ્લોકા મહેતા સાથે છે. અંબાણી પરિવાર તેને લઈને જોરદાર તૈયારીઓ કરી રહ્યો છે. આ પહેલા, સોમવાર, 11 ફેબ્રુઆરીએ આકાશના માતા-પિતાએ તેના લગ્નનું કાર્ડ આપવા મુંબઈના જાણીતા સિદ્ધિ વિનાયક મંદિર પહોંચ્યા હતા.
https://dai.ly/x72dujz
વિવિધ રિપોર્ટ્સ પ્રમાણે, આકાશના લગ્નનો કાર્યક્રમ 3 દિવસ સુધી જિયો વર્લ્ડ સેન્ટરમાં ચાલશે. જાન બપોરે 3.30 કલાકે જિયો સેન્ટરથી નીકળશે, જ્યારે 10 માર્ચે આકાશ-શ્લોકાના લગ્નની ઉજવણી કરાશે. 11 માર્ચના રોજ રિસેપ્શન યોજાશે.
કહેવાઈ રહ્યું છે કે કાર્યક્રમમાં નજીકના પરિવારજનો જ ભાગ લેશે. તો કેટલાક મીડિયા રિપોર્ટ્સ પ્રમાણે લગ્ન પહેલા આકાશ વિદેશમાં મિત્રોને બેચલર્સ પાર્ટી આપશે. આ કાર્યક્રમ સ્વિઝરલેન્ડમાં 23-25 ફેબ્રુઆરી દરમિયાન યોજાઈ શકે છે.
આકાશ અને શ્લોકા નાનપણના મિત્રો છે. બંને ધીરૂભાઈ અંબાણી ઈન્ટરનેશનલ સ્કૂલમાં ભણ્યા છે. શ્લોકા દેશના હીરા ઉદ્યોગપતિ રસેલ મહેતાની દીકરી છે. આ બંને પરિવારો પહેલેથી જ એકબીજાને જાણે છે. ખાસ વાત તો એ છે કે મહેતા પરિવાર પણ અંબાણી પરિવારની જેમ મૂળરૂપે ગુજરાતથી સંબંધ ધરાવે છે.
[yop_poll id=1397]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]