Ajay Devgn OTT Debut: ‘રુદ્ર – ધ એજ ઓફ ડાર્કનેસ’ વેબ સિરીઝથી અજય દેવગનનો ડિજિટલ પ્રવેશ

છેલ્લા કેટલાક દિવસોથી એવા અહેવાલો આવ્યા હતા કે બોલિવૂડ એક્ટર અજય દેવગન ડિજિટલ ડેબ્યૂ માટે તૈયાર છે. તેની પુષ્ટિ હવે થઈ ગઈ છે. અજય હોટસ્ટાર સ્પેશિયલની ક્રાઈમ ડ્રામા શ્રેણીમાંથી ડિજિટલ પારી શરૂ કરી રહ્યા છે. જેનું શીર્ષક ‘રુદ્ર- ધ એજ ઓફ ડાર્કનેસ’. ખાસ વાત એ છે કે આ સિરીઝમાં અજય એક પોલીસ અધિકારી તરીકે જોવા મળશે, જે આજ સુધી તેમના કોપ અવતારોથી અલગ હશે. આ સિરીઝ ડિઝની પ્લસ હોટસ્ટાર વીઆઈપી પર સ્ટ્રીમ થશે.

સિરીઝ પર કામ ટૂંક સમયમાં શરૂ થશે અને તેની શૂટિંગ મુંબઈના આઈકોનિક લોકેશન પર કરવામાં આવશે. આ શ્રેણીનું નિર્માણ એપ્લોઝ એન્ટરટેઈન્મેન્ટ અને બીબીસી સ્ટુડિયો દ્વારા કરવામાં આવી રહ્યું છે. પોતાના ડિજિટલ ડેબ્યૂ અંગે અજયે કહ્યું – હંમેશાં મારો પ્રયત્ન છે કે સક્ષમ લોકો સાથે શ્રેષ્ઠ કાર્ય કરું. રુદ્ર – ધ એજ ઓફ ડાર્કનેસ એક મનોહર વાર્તા છે અને હું આ પ્રવાસની શરૂઆત કરવાની આતુરતાથી રાહ જોઈ રહ્યો છું. સ્ક્રીન પર કોપની ભૂમિકા ભજવવી મારા માટે નવી વાત નથી, પરંતુ આ વખતે આ પાત્ર વધુ ઉંડો, મુશ્કેલ અને ડાર્ક છે. હું આ પાત્રના વ્યક્તિત્વથી સૌથી વધુ પ્રભાવિત થયો હતો. સંભવત: આ વર્તમાન યુગમાં સૌથી ગ્રે પાત્ર છે.

https://twitter.com/ajaydevgn/status/1384375133201076229

નિર્માતા તરીકે અજયે પહેલા જ ઓટીટી પ્લેટફોર્મ પર ડેબ્યું કરી ચુક્યા છે. તેમની હોમ પ્રોડક્શન ફિલ્મ ત્રિભંગને નેટફ્લિક્સ પર રજૂ કરવામાં આવી હતી, જેમાં કાજોલ મુખ્ય ભૂમિકામાં હતી. તમને જણાવી દઈએ કે સોમવારે અજયે સોશિયલ મીડિયા દ્વારા એક ટીઝર શેર કર્યો હતો, જેમાં તેમણે કહ્યું હતું કે તે આવતીકાલે (મંગળવારે) મોટી જાહેરાત કરવા જઈ રહ્યો છે.

બ્રિટિશ શ્રેણીનું અડેપ્ટેશન છે ‘રુદ્ર’

રુદ્ર – ધ એજ ઓફ ડાર્કનેસની બ્રિટિશ સાયકોલોજિકલ ક્રાઈમ ડ્રામા શ્રેણી લુથર (Luther)નું ભારતીય અનુકૂલન છે. ઈદરિસ એલ્બાએ નીલ ક્રોસ ક્રિએટેડ સિરીઝમાં ડીસીઆઈ જોન લુથરની ભૂમિકા ભજવી હતી. એલિસ મોર્ગન રુથ વિલ્સનની ભૂમિકામાં હતી. 2010 અને 2019ની વચ્ચે તેની પાંચ સિઝન આવી ગઈ છે. પ્રથમ સીઝનમાં 6 એપિસોડ હતા. તેનું પ્રસારણ બીબીસી વન પર થયું હતું.

ડિઝની પ્લસ હોટસ્ટારના પ્રમુખ અને વડા સુનિલ રાયને કહ્યું કે, રુદ્ર મોટાપાયે બનાવવામાં આવી રહ્યુ છે. દેશમાં આજ સુધી આવી કોઈ વાર્તા જોવા મળી નથી. તે મેટ્રોની સાથે સાથે દેશના બાકીના ભાગને ધ્યાનમાં રાખીને બનાવવામાં આવી રહ્યું છે. એપ્લોઝ એન્ટરટેઈન્મેન્ટના સીઈઓ સમીર નાયરે કહ્યું કે રુદ્ર – ધ એજ ઓફ ડાર્કનેસએ અમારો સૌથી મોટો શો છે, જેમાં અજય દેવગન મુખ્ય ભૂમિકામાં છે. રુદ્ર – ધ એજ ઓફ ડાર્કનેસ આ વર્ષે રજૂ કરવામાં આવશે. તે જ સમયે, અજયની ફિલ્મ ભુજ – ધ પ્રાઈડ ઓફ ઈન્ડિયા પણ આ વર્ષે ડિઝની પ્લસ હોટસ્ટાર વીઆઇપી પર રીલિઝ થવા જઈ રહી છે.

આ પણ વાંચો: છેલ્લા 33 વર્ષથી અલગ અલગ રહે છે Babita ​​અને Randhir Kapoor, આ કારણે નથી લીધા છૂટાછેડા