તમિલ અભિનેત્રી VJ મહાલક્ષ્મીએ પ્રોડ્યસર સાથે કર્યા લગ્ન, લોકોએ આપ્યા વિચીત્ર કમેન્ટ
દક્ષિણ સિનેમાના નિર્માતા રવિન્દર ચંદ્રશેખરને અભિનેત્રી મહાલક્ષ્મી સાથે લગ્ન કર્યા છે. રવિન્દ્ર ચંદ્રશેખરન અને મહાલક્ષ્મીના લગ્નના પહેરવેશની શું ખાસિયત હતી, તેના વિશે આપણે આ લેખમાં જાણીશું.
સાઉથ ફિલ્મ ઈન્ડસ્ટ્રીના ફેમસ પ્રોડ્યુસર રવીન્દ્ર ચંદ્રશેખર(Producer Ravindar Chandrasekaran)ને ગુરુવારે સાઉથ એક્ટ્રેસ વીજે મહાલક્ષ્મી(VJ Mahalakshmi) સાથે લગ્ન કર્યા. રવિન્દ્ર ચંદ્રશેકરન અને મહાલક્ષ્મી બંનેના આ બીજા લગ્ન છે. લગ્નમાં પરિવારના સભ્યો અને કેટલાક મિત્રો હાજર રહ્યા હતા. બંનેના ફેન્સ તેમને ખૂબ અભિનંદન આપી રહ્યા છે. ઓફિશિયલ ઈન્સ્ટાગ્રામ હેન્ડલ પરથી ફોટો શેર કરતાં મહાલક્ષ્મીએ લખ્યું, હું ખૂબ જ ભાગ્યશાળી છું કે તમે મારા જીવનનો એક ભાગ બની ગયા છો. તમારા પ્રેમે મારા જીવનમાં એક અલગ જ રંગ ભરી દીધો છે. હું તમને ખૂબ પ્રેમ અને નવી શરૂઆતની શુભેચ્છા પાઠવું છું.
રવિન્દ્ર ચંદ્રશેખરન અને મહાલક્ષ્મીની તસવીરો સોશિયલ મીડિયા પર વાયરલ થઈ રહી છે. ફોટા પર કેટલાક લોકો સકારાત્મક અને કેટલાક નકારાત્મક ટિપ્પણી કરી રહ્યા છે. કેટલાક લોકો રવિન્દ્ર ચંદ્રશેકરનને તેની મેદસ્વીતાને કારણે ટ્રોલ કરી રહ્યા છે. જો કે આ કપલ લગ્નથી ખૂબ જ ખુશ છે અને ફોટોમાં તેમની ખુશી જોઈ શકાય છે. લગ્નમાં મહાલક્ષ્મીએ જે ડ્રેસ પહેર્યો હતો તેની પણ સોશિયલ મીડિયા પર ખૂબ ચર્ચા થઈ રહી છે. મહાલક્ષ્મીએ પરંપરાગત લગ્નનો પોશાક પહેર્યો હતો. આવો જાણીએ મહાલક્ષ્મીએ પોતાના લગ્નમાં પહેરેલી સાડીની શું ખાસિયત છે.
મહાલક્ષ્મીની સાડીની વિશેષતા
તમિલ લગ્નમાં વર-કન્યાનો ડ્રેસ ખૂબ જ ખાસ હોય છે. તમિલ દુલ્હન ભારતીય સંસ્કૃતિ અનુસાર લાલ રંગની સાડી પહેરે છે. તમિલ બ્રાહ્મણ કન્યા સામાન્ય રીતે કાંજીવરમ સાડી પહેરે છે જે 9 ગજ લાંબી અને બિન-બ્રાહ્મણ તમિલ કન્યાઓ 6 ગજ લાંબીસાડી પહેરે છે. સાડી પર બ્રાઈટ કલર્સ એમ્બ્રોઈડરી કરવામાં આવી છે. જો પરિવાર સમૃદ્ધ હોય તો ક્યારેક સાડી પર સોનાના દોરાની કારીગરી કરવામાં આવે છે. કન્યાના વાળમાં બન બનાવવામાં આવે છે અને તેને ફૂલો અને સોનાના ઘરેણાંથી શણગારવામાં આવે છે.
મહાલક્ષ્મીએ પોતાના વાળને લાલ ફૂલો અને ગજરાથી શણગાર કર્યો હતો. મહાલક્ષ્મીએ પણ તેના લગ્ન માટે ખાસ લાલ કાંજીવરમ સાડી પહેરી હતી. મહાલક્ષ્મીએ કાંજીવરમ સાડી સાથે લીલા રંગનું બ્લાઉઝ પહેર્યું હતું, જેમાં સોનાની ઝરી કારીગરી હતી. આ સાથે તેણે લીલી બંગડી પણ પહેરી હતી અને બંને બાજુ સોનાની બંગડીઓ પહેરેલી હતી.
સાઉથમાં કન્યાને ખાસ ઘરેણાં પહેરાવવામાં આવે છે
તમિલ કન્યાને શણગારવા માટે સોનાના ઘરેણા પહેરવામાં આવે છે. કેટલીકવાર કન્યાને આભૂષણો પણ આપવામાં આવે છે જે એક પેઢી (માતા) માંથી બીજી પેઢી (કન્યા)ને આપવામાં આવે છે. લગ્નમાં મહાલક્ષ્મીએ પણ ઘણા દાગીના પહેર્યા હતા. તમિલ દુલ્હન દ્વારા પહેરવામાં આવતા ખાસ ઘરેણાંમાં મેટ્ટી (પગની વીંટી), કોલુસુ (પાયલ), ઓડિયનમ (હિપબેલ્ટ), વાંકી (આર્મલેટ), મંગા મલાઈ (કેરીના આકારનો હાર), નાકની નથ અથવા નાકનો સ્ટડ, કાનની બુટ્ટીઓ, થાલિસમેન (કપાળ પર) છે. મહાલક્ષ્મીએ પણ તમિલ દુલ્હનની જેમ જ્વેલરી પહેરી હતી, જેમાં તે ખૂબ જ સુંદર લાગી રહી હતી.
મેટ્ટી અથવા અંગૂઠાની વીંટી એ ચાંદીની બનેલી વીંટી છે, જેમાં બે અથવા ત્રણ રેખાઓ હોય છે અને તે અંગૂઠાથી બીજી અને ત્રીજી આંગળી સુધી પહેરવામાં આવે છે. કોલુસુ અથવા ચાંદીની બનેલી એંકલેટ પગની આસપાસ પહેરવામાં આવે છે. કર્દોની અથવા હિપબેલ્ટ ચાંદી અથવા સોનાની બનેલી હોય છે જે કમરની આસપાસ પહેરવામાં આવે છે. તે માત્ર દુલ્હનની સુંદરતામાં વધારો કરે છે પરંતુ જો નિયમિતપણે પહેરવામાં આવે તો પેટ અને હિપની ચરબીને ટાળવામાં પણ મદદ કરે છે.
મંગા મલાઈ એ કેરીના આકારનો સોનાનો હાર છે જે ખૂબ જ સુંદર લાગે છે. પથ્થર નાકની રીંગ અથવા નોઝ સ્ટડ સાથે જોડાયેલ છે. કેટલીકવાર તેની સાથે 7-8 નાના પથ્થરો જોડાયેલા હોય છે. કેટલાક પરિવારોમાં, કન્યાને નાકની નથ પણ આપવામાં આવે છે. થાલિસમેન તમિલ સંસ્કૃતિનું એક વિશેષ આભૂષણ છે અને તેને કપાળ અને વાળ વચ્ચે પહેરવામાં આવે છે. આ તમામ આભૂષણો સાથેની કાંજીવરમ સિલ્ક સાડી તમિલ કન્યાના લુકને પૂર્ણ કરે છે.
આવો છે તમિલ વરરાજાનો ડ્રેસ
તમિલ વર વિશે વાત કરીએ તો, વરરાજાના ડ્રેસ સરળ છે. સફેદ ડ્રેસમાં વરરાજા ખૂબ જ આકર્ષક લાગે છે. મોટાભાગના વરરાજા સફેદ સિલ્ક કુર્તા-ધોતીમાં સજ્જ છે. રવિન્દ્ર ચંદ્રશેખરન પણ આવો જ પરંપરાગત લગ્નનો ડ્રેસ પહેર્યો હતો.
