Good news : વર્ષ 2022માં ખેડૂતોને મળશે 23,500 કરોડની લોન, જાણો કેવી રીતે મળશે લાભ
ખેડૂતોની આવક વધારવા માટે ખેડૂતોનો પાક લોન વિતરણનો લક્ષ્યાંક વધારીને રૂ. 23,500 કરોડ થવાનો છે.
ખેડૂતોની(Farmers) આવક બમણી કરવા માટે કેન્દ્ર સરકાર દ્વારા સતત પ્રયાસો કરવામાં આવી રહ્યા છે. અનેક યોજનાઓ પણ બહાર પાડવામાં આવી છે. જેથી તેમને કોઈપણ પ્રકારની સમસ્યાનો સામનો કરવો ન પડે. આ કારણે સહકાર મંત્રી ઉદય લાલ અંજનાએ (Cooperation Minister Uday Lal Anjana) કહ્યું કે રાજસ્થાન સરકાર (Government of Rajasthan) રાજ્યના વધુ ખેડૂતોને સહકારી પાક લોનના દાયરામાં લાવવા માટે એક મોટું પગલું ભરવા જઈ રહી છે. હા, હવે રાજ્યના ખેડૂતો માટે પાક લોન વિતરણનો લક્ષ્યાંક વધારીને રૂ. 23,500 કરોડ થવાનો છે.
ખેડૂતોને ફાયદો થવાનો છે
અંજનાએ કહ્યું કે આ વર્ષે પાક લોનનો લક્ષ્યાંક રૂ. 16,000 કરોડથી વધારીને રૂ. 18,500 કરોડ કરવામાં આવ્યો છે. જણાવી દઈએ કે રાજ્યમાં અત્યાર સુધીમાં 13,878 કરોડ રૂપિયાની લોન આપવામાં આવી છે. આ સાથે તેમણે અધિકારીઓને સૂચના આપી હતી કે 31 જાન્યુઆરી 2022 સુધીમાં મહત્તમ લોનનું (Crop Loan) વિતરણ કરવું જોઈએ.
ખેડૂતોને મુશ્કેલી નહીં પડે
ભારતમાં કૃષિ એ સૌથી મહત્વપૂર્ણ ક્ષેત્ર છે. પરંતુ ગુણવત્તાયુક્ત બિયારણ મેળવવાથી લઈને વધુ સારા ખાતર અને મશીનરી ખરીદવા સુધી ખેડૂતોને ઘણી મુશ્કેલીઓનો સામનો કરવો પડે છે. તેથી, ખેડૂતોને આર્થિક મદદ કરવા માટે શાહુકાર પાક લોન આપે છે. આ સાથે વિભાગની સમીક્ષા બેઠકમાં કહેવામાં આવ્યું છે કે કૃષિ પેદાશ બજાર, આરસીડીએફ અને રાજફેડની (RCDF and Rajfed) ડિપોઝીટ જમા કરાવવા અંગે ઉચ્ચ સ્તરે નિર્ણય લેવામાં આવશે.
પાક લોનની વિશેષતાઓ
ખેડૂતો પાક લોન દ્વારા ઊંચી લોનની રકમ પર ઉચ્ચ મૂલ્યના પાક મેળવી શકે છે. સાથે જ પાક લોનનો ઉપયોગ આધુનિકીકરણ અને કૃષિમાં અદ્યતન ટેક્નોલોજી અપનાવવા માટે કરી શકાય છે અને તેની મદદથી ખેડૂતો કૃષિ ક્ષેત્રે પોતાનો ફાયદો મેળવી શકે છે.
પાક લોનનો ઉપયોગ
પાકની ખેતી માટે ટૂંકા ગાળાની લોનની જરૂરિયાતોને પહોંચી વળવામાં મદદ કરે છે.
કાપણી પછીના ખર્ચ માટે વાપરવામાં આવે છે.
ખેડૂત પરિવારની વપરાશની જરૂરિયાતો પૂરી કરે છે.
કૃષિ સંપત્તિની જાળવણી અને કૃષિ સંબંધિત પ્રવૃત્તિઓ માટે કાર્યકારી મૂડી.
કૃષિ અને સંલગ્ન પ્રવૃત્તિઓ માટે રોકાણની જરૂરિયાતને પૂર્ણ કરે છે.
આ પણ વાંચો : Afghanistan crisis : અફઘાનિસ્તાનના પૂર્વ રાષ્ટ્રપતિ અશરફ ગનીએ કાબુલ છોડવા પાછળ ગણાવ્યું આ મોટું કારણ