સુરતમાં ભાજપ નેતાને ત્યાં આવકવેરા વિભાગનો સપાટો, બીજા દિવસની તપાસમાં કરોડોની સંપતિ મળી

સુરતમાં ભાજપના નેતા PVS સરમાને ત્યાં આવકવેરા વિભાગે સપાટો બોલાવ્યો છે. આવકવેરા વિભાગે નેતાના 13 સ્થળો પૈકી 10 સ્થળો પર તપાસનો ધમધમાટ તેજ કર્યો છે. જેમાં મુંબઈમાં ત્રણ સ્થળો પર તપાસ પૂર્ણ થઇ છે. જેમાં ત્રણ લોકરો પૈકી 2 લોકર ખોલવામાં આવ્યો છે. ભાજપ નેતાનું 20 પ્લોટમાં રોકાણ હોવાનું ખુલ્યું છે. અને, બીજા દિવસની તપાસમાં દોઢ કિલો સોનું મળી આવ્યું છે. જેમાં 20 લાખની ડાયમંડ જ્વેલરી અને 59 લાખ રૂપિયાની રોકડ મળી આવી છે. સાથે જ 63 લાખની અન્ય જ્વેલરી અને 40 લાખની FD પણ મળી છે.