Surendranagar: ચોટીલા-રાજકોટ હાઈવે પર ધોળે દિવસે લૂંટ, 20 લાખ રૂપિયાની રોકડ લઈ અજાણ્યા શખ્સો ફરાર

સુરેન્દ્રનગરમાં ચોટીલા-રાજકોટ હાઈવે પર ધોળે દિવસે લૂંટ થઈ ગઈ. ઘટના છે મોલડી ગામ પાસેની, જ્યાં પેટ્રોલ પંપના કર્મચારીને માર મારીને બે અજાણ્યા શખ્સો 20 લાખ રોકડ લૂંટી ગયા છે. કારમાં આવેલા બે અજાણ્યા શખ્સોએ પહેલા પેટ્રોલ પંપના કર્મચારી પર હુમલો કર્યો. તીક્ષ્ણ હથિયાર વડે પેટ્રોલ પંપના કર્મચારીને ઘાયલ કર્યો. ત્યારબાદ રોકડા 20 લાખ લૂંટીને ત્યાંથી ફરાર થઈ ગયા. તો બીજીતરફ ઈજા પામેલા પેટ્રોલ પંપના કર્મચારીને સારવાર માટે હોસ્પિટલ લઈ જવાયો છે.