31મી ડિસેમ્બર નજીક આવી રહી છે તેમ તેમ અમદાવાદમાં બુટલેગરો પણ સક્રિય થયા છે. PCBની ટીમ દ્વારા સરદાર નગરમાંથી 596 દારૂની બોટલો કબજે કરવામાં આવી છે. આમ તો કોરોના મહામારીના કારણે આ વર્ષે મોડી રાત સુધી 31મી ડિસેમ્બરની ઉજવણી થઈ નહીં શકે કેમકે અમદાવાદ સહિતના મેટ્રો શહેરોમાં રાત્રી કફર્યું છે. પરંતુ પોલીસ એલર્ટ છે અને સતત પેટ્રોલિંગ કરી રહી છે. જેમાં મોટી માત્રામાં દારૂ પકડાવાનું શરૂ થયું છે. આ જ અંતર્ગત કુબેરનગર રેલવે ફાટક પાસેથી 72 હજારની કિંમતનો વિદેશી દારૂ ઝડપી પડાયો છે. પોલીસે 596 દારૂની બોટલ સહિત ત્રણ વાહનો કબજે કરી દારૂ સપ્લાય કરનાર કુખ્યાત બુટલેગર રાજુ ગેંડી, સાવન ઠાકોર, શ્રવણ બલિયો નામના શખ્સો સામે ગુનો નોંધી શોધખોળ હાથ ધરી છે.
31મી ડિસેમ્બરે આ વખતે ઉજવણી નહીં થાય. પરંતુ સાંજના સમયે લોકો ભેગા થઈ શકે છે. જોકે એ દરમિયાન પણ યુવતીઓની હેરાનગતિ કે છેડતી ન થાય તે માટે શહેરની મહિલા પોલીસની પણ સાદા ડ્રેસમાં ખાસ બાજ નજર રહેશે.