UGC NET Admit Card 2021: UGC NET એડમિટ કાર્ડ આજે થઈ શકે છે જાહેર, આ રીતે થશે ડાઉનલોડ

UGC NET Admit Card 2021: નેશનલ ટેસ્ટિંગ એજન્સી (NTA) યુનિવર્સિટી ગ્રાન્ટ્સ કમિશન (UGC) નેશનલ એલિજિબિલિટી ટેસ્ટ અથવા NET 2021 માટે એડમિટ કાર્ડ આજે જાહેર કરી શકે છે. પ્રવેશપત્ર કમિશનની સત્તાવાર વેબસાઇટ ugcnet.nta.nic.in પર જાહેર કરવામાં આવશે. સત્તાવાર સૂચના મુજબ, UGC NET 2021ની પરીક્ષા આ વર્ષે 20 નવેમ્બરથી 05 ડિસેમ્બર દરમિયાન યોજાવાની છે. આ વર્ષે ડિસેમ્બર 2020 અને જૂન 2021ની પરીક્ષાઓ કોરોના ચેપને કારણે વિલંબિત થઈ હતી અને નવેમ્બર 2021માં બંને પરીક્ષાઓ સંયુક્ત રીતે લેવામાં આવી રહી છે.

એડમિટ કાર્ડ ડાઉનલોડ કરવાની લિંક સત્તાવાર વેબસાઇટના હોમપેજ પર જ લાઇવ કરવામાં આવશે. ઉમેદવારોએ આ લિંક પર જઈને તેમના રજિસ્ટ્રેશન નંબર અને જન્મ તારીખની મદદથી લૉગિન કરવાનું રહેશે. એડમિટ કાર્ડ સ્ક્રીન પર દેખાશે જે ડાઉનલોડ કરી શકાય છે. ઉમેદવારે તેના એડમિટ કાર્ડની પ્રિન્ટ આઉટ લેવી પણ જરૂરી રહેશે.

એડમિટ કાર્ડ જાહેર થયા પછી, ઉમેદવારો ugcnet.nta.nic.in પર જઈને તેને ડાઉનલોડ કરી શકશે. મહેરબાની કરીને નોંધ લો કે ઉમેદવારોને તેમના ઓનલાઈન એડમિટ કાર્ડની પ્રિન્ટ આઉટ વગર પરીક્ષા કેન્દ્રમાં પ્રવેશવાની મંજૂરી આપવામાં આવશે નહીં. પરીક્ષાની તારીખ, શિફ્ટ અને પરીક્ષા કેન્દ્ર જેવી તમામ મહત્વપૂર્ણ માહિતી એડમિટ કાર્ડ પર હાજર રહેશે. પરીક્ષા ઓનલાઈન મોડમાં લેવામાં આવશે અને કોઈ નેગેટિવ માર્કિંગ લાગુ પડશે નહીં. ઉમેદવારો કોઈપણ નવીનતમ અપડેટ્સ માટે સત્તાવાર વેબસાઇટ પર નજર રાખી શકે છે.

UGC NET 2021 Admit Card આ રીતે ડાઉનલોડ કરી શકો છો

1. એડમિટ કાર્ડ ડાઉનલોડ કરવા માટે, ઉમેદવારોએ પહેલા UGC NET ની સત્તાવાર વેબસાઇટ, ugcnet.nta.nic.in ની મુલાકાત લો.
2. અહીં હોમપેજ પર University Grants Commission (UGC)-NET December 2020 and June 2021 cyclesની લિંક પર જાઓ.
3. મધ્યમાં અને નીચે જુઓ, અહીં લિંક ફ્લેશ થશે.
4. અહીં અરજી નંબર અને જન્મ તારીખ સાથે સુરક્ષા કોડ દાખલ કરો.
5. સ્ક્રીન પર એડમિટ કાર્ડ દેખાશે.
6. તેને ડાઉનલોડ કરો અને આગળના સંદર્ભ માટે પ્રિન્ટ આઉટ લો.

કોરોનાને કારણે પરીક્ષા મોડી પડી

અગાઉ ડિસેમ્બર 2020 સત્રની UGC NET પરીક્ષા 2 મેથી 17 મે 2021 સુધી યોજાવાની હતી. પરંતુ કોરોનાને કારણે તેને મુલતવી રાખવામાં આવી હતી. યુજીસી નેટ ડિસેમ્બર 2020 માટેની અરજી પ્રક્રિયા ફેબ્રુઆરી-માર્ચ 2021 માં યોજાઈ હતી. કોરોનાને કારણે ડિસેમ્બર 2020 સત્રની પરીક્ષા અને જૂન 2021 માટેની અરજીની પ્રક્રિયામાં વિલંબ થયો હતો તેથી બંને સત્રોની પરીક્ષા એક સાથે લેવામાં આવી રહી છે.

આ પણ વાંચો: Assistant Professor Recruitment 2021: IIT મદ્રાસમાં આસિસ્ટન્ટ પ્રોફેસરના પદ માટે ભરતી, ઇન્ટરવ્યુ દ્વારા કરવામાં આવશે સિલેક્શન