HAL Recruitment 2021: એન્જીનીયરીંગ ડીગ્રી કે ડીપ્લોમા કરેલ માટે એપ્રેન્ટીસશીપ માટે ભરતી, જાણો તમામ વિગતો

HAL Apprentice Vacancy 2021: જો તમે કોઈપણ એન્જિનિયરિંગ વિષયમાં ચાર વર્ષની ગ્રેજ્યુએશનની ડિગ્રી લીધી હોય અથવા એન્જિનિયરિંગ ડિપ્લોમા (Engineering Diploma Vacancy) કરી હોય, તો તમારી પાસે એપ્રેન્ટિસશિપ ટ્રેનિંગ માટેની એક મોટી તક છે.

તે પણ ભારત સરકારની કંપનીમાં. આ માટે તમારે કોઈ ફી ચૂકવવાની રહેશે નહીં. એટલું જ નહીં, આ ટ્રેનિંગ દરમિયાન તમને સ્ટાઈપેન્ડ પણ આપવામાં આવશે. હિન્દુસ્તાન એરોનોટિક્સ લિમિટેડ એટલે કે HAL તમારા માટે આ સુવર્ણ તક લઈને આવ્યું છે.

HAL એ ગ્રેજ્યુએટ એપ્રેન્ટિસ (Graduate Apprentice) અને ડિપ્લોમા એપ્રેન્ટિસની પોસ્ટ માટે અરજીઓ આમંત્રિત કરી છે. આ માટે કોઈ પરીક્ષા લેવામાં આવશે નહીં. મેરિટ લિસ્ટ માત્ર લાયકાત પરીક્ષા એટલે કે BE/B.Tech અથવા ડિપ્લોમા કોર્સમાં મેળવેલા ગુણના આધારે તૈયાર કરવામાં આવશે અને લાયક ઉમેદવારોની પસંદગી કરવામાં આવશે. પસંદ કરાયેલા ઉમેદવારોની ડોક્યુમેન્ટ વેરિફિકેશન કરવામાં આવશે. આ પછી અંતિમ પસંદગી યાદી જાહેર કરવામાં આવશે. છેલ્લે પસંદ કરાયેલા ઉમેદવારોને HAL દ્વારા એક વર્ષની એપ્રેન્ટિસશિપ તાલીમ આપવામાં આવશે.

પાત્રતા

સ્નાતક એપ્રેન્ટિસ

વર્ષ 2019, 2020 અથવા 2021 માં માન્યતા પ્રાપ્ત સંસ્થામાંથી મિકેનિકલ, ઇલેક્ટ્રિકલ, ઇલેક્ટ્રોનિક્સ, સિવિલ, કમ્પ્યુટર સાયન્સ અથવા આઇટીમાં 4 વર્ષનો BE અથવા BTech કોર્સ પાસ કરેલ છે.

ડિપ્લોમા એપ્રેન્ટિસ

વર્ષ 2019, 2020 અથવા 2021માં માન્યતા પ્રાપ્ત સંસ્થામાંથી મિકેનિકલ, ઇલેક્ટ્રિકલ, ઇલેક્ટ્રોનિક્સ, સિવિલ, ઇન્સ્ટ્રુમેન્ટેશન, કોમ્પ્યુટર સાયન્સ, આઇટી, આધુનિક ઓફિસ મેનેજમેન્ટ, સેક્રેટરીયલ પ્રેક્ટિસનો ડિપ્લોમા કોર્સ.

વય મર્યાદા

આ એપ્રેન્ટિસ તાલીમની ખાલી જગ્યા માટે, મહત્તમ 26 વર્ષ સુધીના યુવાનો અરજી કરી શકે છે. જો કે, OBC કેટેગરીના ઉમેદવારો માટે ઉપલી વય મર્યાદામાં 3 વર્ષ, SC, ST માટે 5 વર્ષ અને ડિફરન્ટલી એબલ્ડ કેટેગરી માટે 10 વર્ષની છૂટછાટ હશે.

કેવી રીતે કરવી અરજી

પ્રથમ, મૂળભૂત નોંધણી ભારત સરકારના રાષ્ટ્રીય એપ્રેન્ટિસશીપ તાલીમ યોજના પોર્ટલ (NATS Portal) ની મુલાકાત લઈને કરવાની રહેશે. અહીંથી તમને 16 અંકનો રજિસ્ટ્રેશન નંબર મળશે. આના દ્વારા તમે ઓનલાઈન અરજી ફોર્મ ભરી શકશો. ફોર્મ ભરવા માટે, 59.89.119.210/trg ની મુલાકાત લો. અરજીની પ્રક્રિયા 04 ડિસેમ્બર 2021થી શરૂ થઈ ગઈ છે. અરજી કરવાની છેલ્લી તારીખ 18 ડિસેમ્બર 2021 છે.