GSET Admit Card 2021-22: ગુજરાત સ્ટેટ એલિજિબિલિટી ટેસ્ટ-2021 (GSET Exam 2021)નું એડમિટ કાર્ડ જાહેર કરવામાં આવ્યું છે. આવી સ્થિતિમાં, જે ઉમેદવારોએ આ પરીક્ષા માટે અરજી કરી હતી તેઓ ગુજરાત Gujarat SETની અધિકૃત વેબસાઇટની મુલાકાત લઈને એડમિટ કાર્ડ ડાઉનલોડ કરી શકે છે. તમને જણાવી દઈએ કે, તાજેતરમાં જ આ પરીક્ષાની તારીખો પણ બદલવામાં આવી હતી. અગાઉ આ પરીક્ષા (Gujarat State Eligibility Test) 26 ડિસેમ્બર 2021ના રોજ યોજાવાની હતી, જે મોકૂફ રાખવામાં આવી હતી. હવે પરીક્ષા 23 જાન્યુઆરી 2022ના રોજ યોજાવાની છે. ધ્યાનમાં રાખો કે પરીક્ષા બરોડાની મહારાજા સયાજીરાવ યુનિવર્સિટી દ્વારા લેવામાં આવશે. ગુજરાત સ્ટેટ એલિજિબિલિટી ટેસ્ટ-2021 એડમિટ કાર્ડ (GSET Hall Ticket 2021) અંગ્રેજી અને ગુજરાતી બંને ભાષામાં ઉપલબ્ધ છે.
જણાવી દઈએ કે, પરીક્ષા 23 જાન્યુઆરી 2022 ના રોજ સવારે 9.30 થી 12.30 વાગ્યા સુધી લેવામાં આવશે. ઉમેદવારો અધિકૃત વેબસાઇટ gujaratset.in ની મુલાકાત લઈને પરીક્ષાની સંપૂર્ણ વિગતો ચકાસી શકે છે.
GSET એ રાજ્ય કક્ષાની પરીક્ષા છે, જે મદદનીશ પ્રોફેસર અને જુનિયર રિસર્ચ ફેલો માટે એલિઝિબિલિટી ટેસ્ટ (Eligibility test)લેવામાં આવે છે. પરીક્ષામાં બે પેપર હોય છે. 100 માર્કસના પેપર 1 માં 50 પ્રશ્નો અને પેપર II 200 માર્ક્સના 100 પ્રશ્નોનો સમાવેશ થાય છે. ઉમેદવારોને પરીક્ષા આપવા માટે ત્રણ કલાકનો સમય આપવામાં આવશે. પરીક્ષાનો અભ્યાસક્રમ સત્તાવાર વેબસાઇટ gujaratset.in પર ઉપલબ્ધ છે, ઉમેદવારો અભ્યાસક્રમ ચકાસી શકે છે.
પેપરમાં પ્રશ્નો ગુજરાતી અને અંગ્રેજી એમ બંને વર્ઝનમાં હશે. ખોટા જવાબ માટે નકારાત્મક ગુણ કાપવામાં આવશે નહીં. પરિણામ જાહેર થયા પછી પુનઃમૂલ્યાંકન કે ચકાસણીની કોઈ જોગવાઈ નથી.
આ પણ વાંચો: Career: કેવી રીતે બની શકાય કૃષિ વૈજ્ઞાનિક? જાણો કોર્સ અને યોગ્યતા વિશેની સમગ્ર જાણકારી
આ પણ વાંચો: CBSE Term 1 Result Date: CBSE ટર્મ-1 ધોરણ 10 અને 12નું પરિણામ ટૂંક સમયમાં થશે જાહેર, આ રીતે કરો ડાઉનલોડ