સેન્ટ્રલ બોર્ડ ઓફ સેકન્ડરી એજ્યુકેશન (CBSE) અનુસાર, સેન્ટ્રલ ટીચર એલિજિબિલિટી ટેસ્ટ (CTET 2022) માટે નોંધણી ટૂંક સમયમાં શરૂ થવા જઈ રહી છે. CTET પરીક્ષાનું ફોર્મ સત્તાવાર વેબસાઇટ ctet.nic.in પર જઈને ભરી શકાય છે. રસ ધરાવતા ઉમેદવારોને કહેવામાં આવે છે કે, તેઓએ અધિકૃત વેબસાઇટ દ્વારા CTET અરજી ભરવાની રહેશે. ઉમેદવારોને કહેવામાં આવે છે કે, તેઓએ 24 નવેમ્બર સુધીમાં ઓનલાઈન અરજી ફોર્મ ભરવાનું રહેશે. જો કે, ઉમેદવારોને 25 નવેમ્બર બપોરે 3.30 વાગ્યા સુધી અરજી ફી ભરવાની તક મળશે. CTET 2022ની પરીક્ષા ડિસેમ્બરમાં લેવામાં આવશે. CTET પરીક્ષાની 16મી આવૃત્તિ CBSE દ્વારા ડિસેમ્બર 2022થી જાન્યુઆરી 2023 વચ્ચે કમ્પ્યુટર આધારિત પરીક્ષા (CBT) ફોર્મેટમાં ઓનલાઈન લેવામાં આવશે.
જનરલ અને ઓબીસી કેટેગરી હેઠળ આવતા ઉમેદવારો માટે ઓનલાઈન અરજી ફી પેપર એક માટે રૂ 1,000 અને પેપર ટુ માટે રૂ 1,200 છે. બીજી તરફ, અનામત વર્ગના ઉમેદવારોએ પેપર એક માટે 500 રૂપિયા અને પેપર ટુ માટે 600 રૂપિયા ચૂકવવા પડશે. CTET પરીક્ષા બે પેપર માટે છે.