Career in Law: ધોરણ 12 પછી વકીલાતનો અભ્યાસ કરવા માંગો છો? તો આ છે Top 5 Law Course Entrance Exam
Law After 12th: Law એક આકર્ષક કારકિર્દીનો (Career in Law) વિકલ્પ બની ગયો છે. ઘણી યુનિવર્સિટીઓમાં આને લગતા અભ્યાસક્રમો પણ શરૂ થયા છે. જો તમારે પણ ધોરણ 12 પછી આ જ કોર્સ કરવો હોય તો પ્રવેશની પદ્ધતિ વિશે જાણો.
Common Law Admission Test: કાયદાના અભ્યાસ માટે કોમન લો એડમિશન ટેસ્ટ (Common Law Admission Test) લેવામાં આવે છે. દેશની 22 મોટી યુનિવર્સિટીઓમાં પ્રવેશ મેળવવા માટે આ પરીક્ષા પાસ કરવી જરૂરી છે. સામાન્ય રીતે પરીક્ષા દર વર્ષે મે-જૂનમાં લેવામાં આવે છે. જો કે, આ પ્રવેશ પરીક્ષા Covid-19ને કારણે 2021માં મુલતવી રાખવામાં આવી હતી. CLAT (Common Law Admission Test) પરીક્ષા એનએલયુ કન્સોર્ટિયમ (NLU Consortium) દ્વારા લેવામાં આવે છે. જે વિદ્યાર્થીઓ 12માં ધોરણમાં પાસ થયા છે, તેઓ પાંચ વર્ષના કોર્સ માટે અરજી કરી શકે છે. સંસ્થાઓ CLAT પરીક્ષામાં મેળવેલા સ્કોરના આધારે પ્રવેશ આપે છે.
All India Law Entrance Test: ધોરણ 12 પછી ઓલ ઈન્ડિયા લો એન્ટ્રન્સ ટેસ્ટ (All India Law Entrance Test) પાસ કરવી પડશે, ત્યારે જ નેશનલ લો યુનિવર્સિટી દિલ્હીમાં પ્રવેશ આપવામાં આવે છે. અહીં પાંચ વર્ષનો એલએલબી પ્રોગ્રામ કરાવવામાં આવે છે. મોટાભાગના વિદ્યાર્થીઓ કે જેઓ કાયદાના અભ્યાસની ઈચ્છા રાખે છે, તે એન.એલ.યુ. દિલ્હીમાં જ પ્રવેશ લેવા તૈયાર હોય છે (AILET). આ કારણ છે કે તે દેશની બીજી શ્રેષ્ઠ લૉ સ્કૂલ હોવાનું કહેવાય છે.
BHU Law Entrance Test: ધોરણ 12 પછી ઘણી યુનિવર્સિટીઓ પાંચ વર્ષનો LLB course કરાવે છે, આવી યુનિવર્સિટીમાં બનારસ હિન્દુ યુનિવર્સિટીનું નામ પણ શામેલ છે. જેને બીએચયુ (BHU) તરીકે પણ ઓળખવામાં આવે છે. દર વર્ષે મોટી સંખ્યામાં વિદ્યાર્થીઓ આ પ્રવેશ પરીક્ષા (BHU Law Entrance Exam) માટે અરજી કરે છે. અરજી કરવા માટે યુનિવર્સિટીની સત્તાવાર વેબસાઈટ bhuonline.inની મુલાકાત લઈને ફોર્મ ભરવાનું રહેશે. પરીક્ષા ઑફલાઈન અને ઑનલાઈન મોડમાં લેવામાં આવે છે.
Maharashtra Law Entrance Test: દેશમાં ઘણા રાજ્યો છે, જે કોલેજમાં પ્રવેશ માટે તેમના સ્તરે સ્પર્ધાત્મક પરીક્ષાઓ લે છે. તેમાંથી મહારાષ્ટ્ર દ્વારા લેવામાં આવેલી આ પરીક્ષા રાજ્ય કક્ષાએ યોજાનારી દેશની સૌથી મોટી પરીક્ષા હોવાનું કહેવાય છે. જે વિદ્યાર્થીઓ પાસ થાય છે, તેઓને સરકારી લો કોલેજ મુંબઈમાં પ્રવેશ આપવામાં આવે છે. ત્યારે યુનિવર્સિટીમાં પાંચ વર્ષ અથવા ત્રણ વર્ષનો એલએલબી અભ્યાસક્રમ ઓફર કરવામાં આવે છે.
Law School Admission Test: આ પરીક્ષા એલ.એસ.એ.ટી. ઈન્ડિયા (LSAT India) તરીકે ઓળખાય છે. દેશની મોટી ખાનગી યુનિવર્સિટીઓ અને કોલેજોમાં પ્રવેશ માટે તેનું આયોજન કરવામાં આવ્યું છે. આ યુનિવર્સિટીઓ અને કોલેજો પાંચ વર્ષના ઈન્ટિગ્રેટેડ એલએલબી કોર્સ (Integrated LLB course), ત્રણ વર્ષનો એલએલબી કોર્સ અને એલએલએમ કોર્સ આપે છે.