BSF Recruitment 2021: BSFમાં નોકરી મેળવવાની તક, સબ ઈન્સ્પેક્ટર અને હેડ કોન્સ્ટેબલની જગ્યાઓ માટે ભરતી

BSF Recruitment 2021: બોર્ડર સિક્યોરિટી ફોર્સ (BSF) એ ગ્રુપ C ની જગ્યાઓની ભરતી માટે જાહેરનામું બહાર પાડ્યું છે. આ નોટિફિકેશન મુજબ આસિસ્ટન્ટ સબ ઈન્સ્પેક્ટર અને હેડ કોન્સ્ટેબલ સહિત ઘણી જગ્યાઓ પર ભરતી કરવામાં આવશે. આ ખાલી જગ્યા (BSF Recruitment 2021) માટે ઓનલાઈન અરજી કરવાની પ્રક્રિયા 15મી નવેમ્બરથી શરૂ થઈ ગઈ છે.

BSF (BSF Recruitment 2021) દ્વારા બહાર પાડવામાં આવેલી આ ખાલી જગ્યા માટે અરજી કરવા માટે, ઉમેદવારોએ BSF ભરતીની સત્તાવાર વેબસાઇટ rectt.bsf.gov.in ની મુલાકાત લેવી પડશે. આ ભરતી (BSF Group C Recruitment 2021) દ્વારા કુલ 72 પોસ્ટની ભરતી કરવામાં આવશે. જણાવી દઈએ કે ઉમેદવારોને આ પદો માટે અરજી કરવા માટે 29 ડિસેમ્બર 2021 સુધીનો સમય આપવામાં આવ્યો છે.

અરજી પ્રક્રિયા

1. ઓનલાઈન અરજી કરવા માટે, સૌ પ્રથમ BSFની સત્તાવાર વેબસાઈટ rectt.bsf.gov.in પર જાઓ.
2. વેબસાઈટના હોમ પેજ પર કરંટ રિક્રુટમેન્ટ ઓપનિંગ્સની લિંક પર જાઓ.
3. હવે BSF ગ્રુપ-C એન્જિનિયરની ભરતીની લિંક પર ક્લિક કરો.
4. આમાં, Apply Here ના વિકલ્પ પર જાઓ.
5. વિનંતી કરેલ વિગતો ભરીને નોંધણી પ્રક્રિયા પૂર્ણ કરો.
6. નોંધણી પછી તમે અરજી ફોર્મ ભરી શકો છો.

આવશ્યક લાયકાત

જાહેર કરાયેલા નોટિફિકેશન મુજબ કુલ 72 જગ્યાઓ પર ભરતી કરવામાં આવશે. જુદી જુદી જગ્યાઓ માટે જુદી જુદી શારીરિક અને શૈક્ષણિક લાયકાત રાખવામાં આવી છે. જેમાં આસિસ્ટન્ટ સબ ઈન્સ્પેક્ટરની જગ્યા માટે 1 સીટ રાખવામાં આવી છે. અરજી કરનાર ઉમેદવારો પાસે કોઈપણ માન્ય બોર્ડમાંથી 10મું પાસનું પ્રમાણપત્ર હોવું જોઈએ. શારીરિક લાયકાતમાં, પુરુષની ઊંચાઈ 167.5 સેમી અને સ્ત્રીની ઊંચાઈ 157 સેમી છે. કોન્સ્ટેબલની જગ્યા માટે 2 જગ્યાઓ રાખવામાં આવી છે. તેમાં પણ ઉમેદવારોની લાયકાત 10 પાસ તરીકે માંગવામાં આવી છે. આ ઉપરાંત કોન્સ્ટેબલ જનરેટર મિકેનિક, કોન્સ્ટેબલ લાઇનમેન, કોન્સ્ટેબલ જનરેટર ઓપરેટર, હેડ કોન્સ્ટેબલ અને કોન્સ્ટેબલ સેવર મેનની જગ્યાઓ પર ભરતી થશે.

અરજી ફી

જનરલ, OBC અને EWS કેટેગરીની અરજી ફી રૂ 100 છે. SC, ST, ભૂતપૂર્વ સૈનિકો અને તમામ શ્રેણીઓની મહિલાઓ માટે અરજી મફત છે. એપ્લિકેશન ફી ડેબિટ કાર્ડ, ક્રેડિટ કાર્ડ અને નેટ બેંકિંગ દ્વારા જમા કરાવી શકાય છે.

પસંદગી આ રીતે થશે

બોર્ડર સિક્યુરિટી ફોર્સ (BSF) દ્વારા બહાર પાડવામાં આવેલી આ ગ્રુપ C પોસ્ટ્સ માટે ભરતી ટેસ્ટ, શારીરિક પરીક્ષા અને મેડિકલ ટેસ્ટના આધારે ઉમેદવારોની પસંદગી કરવામાં આવશે. વધુ વિગતો માટે તમે સત્તાવાર સૂચના જોઈ શકો છો.

આ પણ વાંચો: Ayush Ministry Recruitment 2021: આયુષ મંત્રાલયમાં નોકરી મેળવવાની તક, 10 ડિસેમ્બર સુધી કરી શકો છો અરજી

આ પણ વાંચો: NHB Recruitment 2021: બેંકમાં નોકરી મેળવવાની તક, આસિસ્ટન્ટ મેનેજર સહિત અનેક જગ્યાઓ માટે ભરતી, જુઓ વિગતો