Banaskantha: પોસ્ટ વિભાગમાં એજન્ટ તરીકે કામ કરવાની સુવર્ણ તક, જાણો માહિતી

ભારતીય ટપાલ વિભાગ (Indian Postal Department)માં પોસ્ટલ લાઈફ ઈન્સ્યોરન્સ (Postal Life Insurance : PLI) અને રૂરલ પોસ્ટલ લાઈફ ઈન્સ્યોરન્સ (Rural Postal Life Insurance : RPLI)માં એજન્ટ તરીકે કામ કરવાની સુવર્ણ તક આવી છે.

પોસ્ટ વિભાગ (Post Department)માં એજન્ટ તરીકે કામ કરવા ઈચ્છતા ઉમેદવારોએ પોતાના બાયોડેટા સાથે બે પાસપોર્ટ સાઈઝના ફોટા, ઉંમરનું પ્રમાણપત્ર, શૈક્ષણિક લાયકાત અંગેના અસલ પુરાવા અને દરેકની ખરી નકલ સાથે તા.22-07-2021ના રોજ સુપ્રિટેન્ડેન્ટ ઓફ પોસ્ટ ઓફિસીસ, બનાસકાંઠા વિભાગ, જોરાવર પેલેસ કંપાઉન્ડ, હેડ પોસ્ટ ઓફિસ, પાલનપુરની કચેરી ખાતે સવારે-11 કલાકે હાજર રહેવા જણાવાયું છે.

શૈક્ષણિક લાયકાત અને વય મર્યાદા

એજન્ટ માટેની શૈક્ષણિક લાયકાત ધોરણ-10 પાસ હોવા (ઉંમર-18થી 50 વર્ષ) જરૂરી છે. કેન્દ્ર અને રાજ્ય સરકારના નિવૃત્ત કર્મચારી કે જેમની ઉંમર 65 વર્ષથી વધુ હોય તેઓને ફિલ્ડ ઓફિસર તરીકે Postal Life Insurance/Rural Postal Life Insuranceની એજન્સી મળવાપાત્ર છે.

જરૂરી દસ્તાવેજ

તેમણે પોતાના બાયોડેટા અને જરૂરી અસલ સર્ટીફિકેટ અને તેની નકલો સાથે ઓપન ઈન્ટરવ્યુમાં હાજર રહેવું. કોઈપણ લાઈફ ઈન્સ્યોરન્સ કંપનીમાં કામ કરતા એજન્ટને તથા સરકારી કર્મચારીને પોસ્ટલ લાઈફ ઈન્સ્યોરન્સની એજન્સી મળવાપાત્ર નથી.

પસંદગી

પસંદગી થયેલ એજન્ટ/ફિલ્ડ ઓફિસરને રૂ.5000/- સિક્યુરીટી ડીપોઝીટ પેટે ભરવાની રહેશે. બનાસકાંઠા ડિવીઝનના પોસ્ટ ઓફિસ (Post Office of Banaskantha Division) સુપ્રિટેન્ડન્ટે જણાવ્યું છે. જીલ્લાના ગ્રામીણ વિસ્તારોમાં પોસ્ટ વિભાગમાં કામ કરી આવક મેળવવા ઈચ્છુક ઉમેદવારોએ બનાસકાંઠા પોસ્ટ વિભાગની કચેરીએ ઉપરોકત તારીખે હાજર રહી પોતાની ઉમેદવારી નોંધાવી શકે છે.

આ પણ વાંચો: SURAT: ગુજરાતમાં સૌ પ્રથમ સુરતમાં અપાઈ રહી છે રશિયાની કોરોના વેક્સિન sputnik V