Stock Market Closing: બજાર એક સપ્તાહની ટોચે, સેન્સેક્સ 1564 પોઈન્ટ વધ્યો, નિફ્ટી 17,759ના સ્તરે બંધ, રોકાણકારોને 5.56 લાખ કરોડનો નફો થયો

stock market closing: આજે ટ્રેડિંગ શરૂ થયાના થોડા સમય બાદ સેન્સેક્સ (share market) 400 પોઈન્ટ ઉપર ગયો હતો. આ દરમિયાન નિફ્ટીએ 131 પોઈન્ટનો વધારો કર્યો હતો. સવારે 9.20 વાગ્યાની આસપાસ સેન્સેક્સ 405 પોઈન્ટ (0.70 ટકા)ના વધારા સાથે 58377.71 પર અને નિફ્ટી 131.80 પોઈન્ટ (0.76 ટકા)ના ઉછાળા સાથે 17444.70 પર ટ્રેડ કરી રહ્યો હતો.

મંગળવારે (30 ઓગસ્ટ 2022), વૈશ્વિક બજારના સારા સંકેતોને કારણે ભારતીય શેરબજારો એક સપ્તાહની ઊંચી સપાટીએ બંધ થયા હતા. બેન્કિંગ, ફાઈનાન્શિયલ સર્વિસિસ, મેટલ, આઇટી, રિયલ્ટી સેક્ટરમાં ભારે ખરીદી જોવા મળી હતી.જેના કારણે સેન્સેક્સ 1564 પોઇન્ટ વધીને 59,537 પોઇન્ટ અને નિફ્ટી 446 પોઇન્ટના ઉછાળા સાથે 17,759ની સપાટીએ બંધ રહ્યો હતો. માર્કેટમાં સેન્સેક્સના 30માંથી 30 અને નિફ્ટીના 50માંથી 50 શેર લીલા નિશાનમાં બંધ થયા છે. બજારમાં આવેલી જબરદસ્ત તેજીને કારણે રોકાણકારોની ચાંદી ચાંદી થઈ ગઈ. મંગળવારે રોકાણકારોની સંપત્તિમાં 5.56 લાખ કરોડ રૂપિયાથી વધુનો વધારો થયો છે. આજે BSE પર 3,552 શેરમાં ટ્રેડિંગ થયું હતું. તેમાંથી 2412 શેર વધ્યા હતા, જ્યારે 1010 શેર ઘટ્યા હતા. 130 શેર કોઈ ફેરફાર વગર બંધ થયા.

ક્ષેત્રીય સૂચકાંકો

આજે લગભગ તમામ મુખ્ય ક્ષેત્રોની કંપનીઓમાં જબરદસ્ત વૃદ્ધિ જોવા મળી છે. જો કે સૌથી વધુ ઉછાળો બેંક, આઈટી, મેટલ અને ઓટોના શેરમાં જોવા મળ્યો હતો. આજે બેન્ક નિફ્ટી 3.29 ટકા, IT 2.63 ટકા, ઓટો 2.57 ટકા અને મેટલ 2.11 ટકા વધ્યા હતા. આ સિવાય FMCG સૂચકાંકોમાં પણ 2 ટકાથી વધુનો વધારો જોવા મળ્યો છે.

ટોપ ગેનર અને લુઝર

આજે 50 શેરોવાળા નિફ્ટી 50માં કોઈ સ્ટોક લાલ નિશાન પર બંધ થયો નથી. આજે બજાજ ફિનસર્વ (5.42 ટકા), બજાજ ફાઇનાન્સ (4.99 ટકા), ઇન્ડસઇન્ડ બેન્ક (4.33 ટકા), ટેક મહિન્દ્રા (3.93 ટકા) અને ICICI બેન્ક (3.87 ટકા)માં સૌથી વધુ ઉછાળો જોવા મળ્યો હતો. તે જ સમયે, સૌથી ઓછો ફાયદો ટાટા કન્ઝ્યુમર (0.42 ટકા), અદાણી પોર્ટ્સ (0.43 ટકા), ડો રેડ્ડી (0.53 ટકા), ભારતી એરટેલ (0.64 ટકા) અને ગ્રાસિમ (0.66 ટકા)માં જોવા મળ્યો હતો.