મહિલા સન્માન બચત યોજનામાં રોકાણ કરતા પહેલા આ નિયમો જાણી લો, નહીં તો થશે મુશ્કેલી

જો તમે મહિલા સન્માન બચત યોજનામાં રોકાણ કરવાની યોજના બનાવી રહ્યા છો, તો તમારે તેના વિશે સારી રીતે જાણવું જોઈએ કે શું આ યોજનામાં મળતા વ્યાજ પર TDS કાપવામાં આવશે કે નહીં. સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ સ્પષ્ટતા કરી છે કે મહિલા સન્માન બચત યોજના પર મળતા વ્યાજ પર TDS લાગુ થશે. આવકવેરા અધિનિયમ, 1961ની કલમ 194A હેઠળ, મહિલા સન્માન બચત યોજનામાંથી મળતા વ્યાજ પર કર કાપવામાં આવશે. આ નિયમની માહિતી આવકવેરા વિભાગ દ્વારા 16 મે, 2023ના રોજ આપવામાં આવી છે.

જો તમને નાણાકીય વર્ષમાં આ સ્કીમમાંથી મળતું વ્યાજ 40,000 રૂપિયાથી વધુ હોય, તો કલમ 194A હેઠળ TDS કાપવામાં આવશે. બેંક, પોસ્ટ ઓફિસ અથવા સહકારી મંડળીમાં જમા રકમમાંથી વ્યાજ મેળવી શકાય છે. તેવી જ રીતે, બેંક FD પર મળતા વ્યાજ પર પણ TDS લાગુ થશે. વરિષ્ઠ નાગરિકોના કિસ્સામાં, આ મર્યાદા 40,000 રૂપિયાને બદલે 50,000 રૂપિયા કરવામાં આવી છે.

Income Tax Department એ TDSની નવી જોગવાઈને લઈને ગાઈડલાઈન જાહેર કરી, હોસ્પિટલોમાં ફ્રી સેમ્પલ લેનારા ડોક્ટરોએ હવે ભરવો પડશે ટેક્સ

મહિલા સન્માન બચત યોજનાની વિશેષતાઓ

આ યોજના મહિલાઓ માટે ખાસ નાની બચત યોજના છે. આ યોજના સરકાર દ્વારા 1 એપ્રિલ, 2023 થી લાગુ કરવામાં આવી છે. આ યોજના દેશની મહિલાઓને વાર્ષિક 7.5 ટકાના દરે વ્યાજ આપે છે. વ્યાજ દર બે વર્ષના રોકાણ સમયગાળા દરમિયાન નિશ્ચિત રહેશે. સ્કીમમાંથી મળતું વ્યાજ પણ TDSના દાયરામાં આવશે. આ સ્કીમમાંથી મેળવેલા વ્યાજ પર કોઈ કરમુક્તિ ઉપલબ્ધ નથી.

આટલું રોકાણ કરી શકાશે

મહિલા સન્માન બચત યોજનામાં મહિલાઓ લઘુત્તમ રૂ. 1000 અને વધુમાં વધુ રૂ. 2 લાખનું રોકાણ કરી શકે છે. કેન્દ્રીય બજેટ 2023 ની જાહેરાત મુજબ, આ યોજના ફક્ત બે વર્ષ માટે મહિલાઓ માટે ઉપલબ્ધ છે. એક મહિલા 1 એપ્રિલ, 2023 થી 31 માર્ચ, 2025 સુધી આ યોજનામાં રોકાણ કરી શકે છે. આ યોજનામાં 1 એપ્રિલ, 2025 પછી રોકાણ કરવાની મંજૂરી આપવામાં આવશે નહીં, સિવાય કે સરકાર તારીખ લંબાવશે.

બિઝનેસના તમામ સમાચાર વાંચવા માટે અહીં ક્લિક કરો