તમે ઓળખના પુરાવા તરીકે આપેલા તમારા PAN CARD નો કોઈ દુરુપયોગ તો નથી કરી રહ્યુંને ? આ રીતે કરો ચેક
ધારો કે કોઈ છેતરપિંડી કરનાર વ્યક્તિએ તમારા PAN પર ઉચ્ચ મૂલ્યનું ટ્રાન્ઝેક્શન કર્યું છે તો તેની વિગતો ફોર્મ 26AS માં બતાવવામાં આવશે. તેથી PAN નો દુરુપયોગ જાણવા માટે તમારે ફોર્મ 26AS ડાઉનલોડ કરવું જોઈએ.
ઘણી વખત જોવામાં આવ્યું છે કે PANનો દુરુપયોગ કરીને વ્યક્તિને લોનમાં ગેરંટર બનાવવામાં આવી છે. જાણ વગર ગેરંટર બનાવવું એ એક રીતે ગુનો છે. જો એક સાથે 2 લાખ રૂપિયાની લેવડદેવડ કરવામાં આવે તો તેના માટે PAN આપવું જરૂરી છે. અહીં જો તમારું PAN ખોટા હાથમાં જાય તો તેનો દુરુપયોગ થઈ શકે છે.
ઘણા લોકો 2 લાખથી વધુના વ્યવહારો કરે છે પરંતુ પોતાની ઓળખ છુપાવવા માટે કોઈ બીજાનું પાન કાર્ડ આપી શકે છે. જો આવું થાય તો તે તમારા ફોર્મ 26AS માં દેખાશે અને કર જવાબદારી તમારી રહેશે. આમાં, તમારા નામે ટેક્સની નોટિસ આવી શકે છે.
કેવી રીતે તપાસ કરવી એ જાણવું ખુબ જરૂરી છે. ધારો કે કોઈ છેતરપિંડી કરનાર વ્યક્તિએ તમારા PAN પર ઉચ્ચ મૂલ્યનું ટ્રાન્ઝેક્શન કર્યું છે તો તેની વિગતો ફોર્મ 26AS માં બતાવવામાં આવશે. તેથી PAN નો દુરુપયોગ જાણવા માટે તમારે ફોર્મ 26AS ડાઉનલોડ કરવું જોઈએ. તેને આવકવેરા પોર્ટલ પરથી ડાઉનલોડ કરી શકાય છે. તે TRACES ના પોર્ટલ પરથી પણ લઈ શકાય છે. આ ફોર્મ ડાઉનલોડ કર્યા પછી તમામ વ્યવહારો ચકાસી શકાય છે. આ દુરુપયોગ શોધી કાશે.
વધુ એક મામલામાં ધારો કે તમે તમારા પોતાના PAN ના આધારે આવકવેરા પોર્ટલ પર તમારું ખાતું ખોલાવ્યું નથી. આવી સ્થિતિમાં છેતરપિંડી કરનાર તમારા PAN પર ખાતું બનાવી શકે છે. તે છેતરપિંડી કરનાર માણસનો આ ખાતા પર અંકુશ રહેશે અને આના દ્વારા તે ઘણા છેતરપિંડીના કામો કરી શકે છે. તમને ખબર પણ નહીં પડે.
PAN જરૂરી હોય ત્યારે જ ઉપયોગ કરો. એટલે કે PAN આપ્યા વગર કામ નહીં થાય તેવી સ્થિતીમાંજ આ દસ્તાવેજ આપો. તમે જરૂર વગર PAN નો ઉપયોગ કરશો નહીં. જો કોઈ અન્ય ID PROOF આપીને કામ કરી શકાય તો પાન આપવું નહિ પણ વૈકલ્પિક આઈડી આપીને કામ કરી શકાય છે. જો તમે PAN ની હાર્ડ કોપી આપી રહ્યા છો તો તેના પર સહી જરૂર કરો, તારીખ લખો અને એ પણ લખો કે તમે કયા હેતુથી PAN નો ઉપયોગ કરી રહ્યા છો. ત્રીજો ઉપાય જો તમારી પાસે PAN છે તો ચોક્કસપણે આવકવેરા પોર્ટલ પર ખાતું બનાવો. આનાથી કોઈ નુકસાન નથી પરંતુ ભવિષ્યમાં ફાયદો જરૂર થશે.
Published On - 11:50 am, Thu, 2 September 21
