અશોક લેલેન્ડ શેર ટાર્ગેટ : કંપનીને મળ્યો 1225 બસ બનાવવાનો ઓર્ડર, શેરમાં નોંધાયો ઉછાળો
અશોક લેલેન્ડનો શેર વધી રહ્યો છે. બ્રોકરેજ અનુસાર, કંપની બસ સેગમેન્ટમાં નવા ઓર્ડર મેળવી રહી છે અને નાણાકીય વર્ષ 24માં સંરક્ષણ વ્યવસાયમાંથી રૂ. 800-1000 કરોડની આવકનું લક્ષ્યાંક ધરાવે છે.
Ashok Leyland share: કોમર્શિયલ વ્હિકલ મેન્યુફેક્ચરિંગ કંપની અશોક લેલેન્ડને કર્ણાટક સરકાર તરફથી મોટો ઓર્ડર મળ્યો છે. અશોક લેલેન્ડને કર્ણાટક સ્ટેટ ટ્રાન્સપોર્ટ દ્વારા એપ્રિલ 2024 સુધીમાં 1225 સંપૂર્ણ બિલ્ટ વાઇકિંગ બસોની ડિલિવરી માટે ઓર્ડર આપવામાં આવ્યો છે. મૂલ્યની દ્રષ્ટિએ ઓર્ડરની કિંમત લગભગ રૂ. 522 કરોડ છે.
ઓર્ડરની ડિટેલ
આ ઓર્ડર મુજબ, વાઇકિંગ બસો AIS153 ધોરણોનું પાલન કરશે. બસોની ડિઝાઇન મુસાફરો અને ડ્રાઇવર બંને માટે આરામ અને અત્યંત સલામતી પર ધ્યાન કેન્દ્રિત કરશે. શેનુ અગ્રવાલે, MD અને CEO, અશોક લેલેન્ડ, જણાવ્યું હતું કે, “અમે કર્ણાટક સ્ટેટ ટ્રાન્સપોર્ટ અંડરટેકિંગ્સ સાથે અમારું લાંબા સમયથી ચાલતું જોડાણ ચાલુ રાખીને ખુશ છીએ. આર્થિક વિકાસમાં સ્થાનિક ગતિશીલતા મહત્વની ભૂમિકા ભજવે છે. અમે તકનીકી રીતે અપગ્રેડેડ, કુશળ ઉત્પાદનો વિકસાવવામાં કુશળતા સાથે શ્રેષ્ઠ અનુકૂળ પરિવહન ઉકેલો પ્રદાન કરવા માટે પ્રતિબદ્ધ છીએ. તમને જણાવી દઈએ કે હાલમાં અશોક લેલેન્ડ વિશ્વની ચોથી સૌથી મોટી બસ ઉત્પાદક અને ભારતમાં સૌથી મોટી બસ ઉત્પાદક કંપની છે.
સ્ટોક નોંધાયો ઉછાળો
આ સમાચાર વચ્ચે ગુરુવારે અશોક લેલેન્ડના શેરમાં જોરદાર ઉછાળો જોવા મળ્યો હતો. સપ્તાહના ચોથા ટ્રેડિંગ દિવસે આ શેર 3 ટકા વધીને રૂ. 174.50ના ભાવે પહોંચ્યો હતો. આ શેરનો બંધ ભાવ રૂ. 173.65 હતો, જે 1.34%નો વધારો દર્શાવે છે.
કિંમત 200 રૂપિયાને પાર કરી જશે
બ્રોકરેજ શેરખાને ગયા મહિને એટલે કે ડિસેમ્બરમાં અશોક લેલેન્ડ માટે ટાર્ગેટ કિંમત નક્કી કરી હતી. બ્રોકરેજ અનુસાર આ શેર 221 રૂપિયાની કિંમત સુધી જઈ શકે છે. તમને જણાવી દઈએ કે શેરની 52 સપ્તાહની સૌથી ઊંચી સપાટી 191 રૂપિયા છે. બ્રોકરેજ અનુસાર, કંપની બસ સેગમેન્ટમાં નવા ઓર્ડર મેળવી રહી છે અને નાણાકીય વર્ષ 24માં સંરક્ષણ વ્યવસાયમાંથી રૂ. 800-1000 કરોડની આવકનું લક્ષ્યાંક ધરાવે છે. બ્રોકરેજે જણાવ્યું હતું કે વર્તમાન મજબૂત સ્થિતિને ધ્યાનમાં રાખીને અમે સ્ટોક પર બાય રેટિંગ જાળવી રાખીએ છીએ.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
