લંડનના સાયન્સ મ્યુઝિયમમાં અદાણી ગ્રુપની ગ્રીન એનર્જી ગેલેરી શરૂ, ગૌતમ અદાણીએ કહ્યું- ‘હું ઉત્સાહિત છું’

અદાણી ગ્રૂપના ચેરમેન ગૌતમ અદાણીએ શુક્રવારે લંડનના સાયન્સ મ્યુઝિયમમાં ‘ધ અદાણી ગ્રીન એનર્જી ગેલેરી’ ખોલવાની જાહેરાત કરી હતી. આ એનર્જી ગેલેરી “સસ્ટેનેબલ ફ્યુચરને લઇને સાયન્ટીફીક વિઝન” દર્શાવશે. ઉદ્યોગપતિ ગૌતમ અદાણીએ પોસ્ટ કરી કે “આ ગેલેરી ઓછી કાર્બન અને નવીનીકરણીય તકનીકો દ્વારા સસ્ટેનેબલ ફ્યુચરને લઇને સાયન્ટીફીક વિઝનરજૂ કરશે.”

સાયન્સ મ્યુઝિયમની સ્થાપના 1857માં કરવામાં આવી હતી અને તે લંડનના મુખ્ય પ્રવાસી આકર્ષણોમાંનું એક છે.

અદાણી ગ્રુપ, ભારતના ગ્રીન એનર્જી ટ્રાન્ઝિશનમાં મોખરે, તેની પાંચ કંપનીઓ – અદાણી ગ્રીન એનર્જી, અદાણી એનર્જી સોલ્યુશન્સ, અદાણી પોર્ટ્સ એન્ડ SEZ, ACC અને અંબુજા સિમેન્ટ્સ માટે પણ તેની નેટવર્થમાં વધારો કરી રહી છે  “અદાણી ગ્રુપ ભારતનું સૌથી મોટું સંકલિત ઈન્ફ્રાસ્ટ્રક્ચર ડેવલપર છે.”

અબજોપતિ ગૌતમ અદાણીએ અગાઉ જણાવ્યું હતું કે તેઓ આગામી 10 વર્ષમાં ભારતના ગ્રીન એનર્જી ટ્રાન્ઝિશનમાં અંદાજે $100 બિલિયનનું રોકાણ કરશે, જેમાં 2027 સુધીમાં 10 GW સોલાર ઉત્પાદન ક્ષમતા ઉમેરવાની યોજના છે.

કંપનીએ એક નિવેદનમાં જણાવ્યું હતું કે અદાણી પોર્ટફોલિયો વ્યવસાયો ડીકાર્બોનાઇઝિંગ સહિત નવીન પાયલોટ પ્રોજેક્ટ્સ શરૂ કરવા માટે સક્રિય વ્યૂહરચના ધરાવે છે, જેનો ધ્યેય 2030 સુધીમાં 100 મિલિયન વૃક્ષો વાવવા અને હાઇડ્રોજન ફ્યુઅલ સેલ ઇલેક્ટ્રિક ટ્રક વિકસાવવાનો છે.

20.8 ગીગાવોટ (GW) સુધીના લૉક-ઇન ગ્રોથ ટ્રેજેક્ટરી સાથે, અદાણી ગ્રીન એનર્જી લિમિટેડ (AGEL) પાસે હાલમાં 9 GW થી વધુનો ઓપરેટિંગ રિન્યુએબલ પોર્ટફોલિયો છે, જે ભારતમાં સૌથી મોટો છે, જે 12 રાજ્યોમાં ફેલાયેલો છે.