Adani Enterprises FPO : અદાણી ગ્રૂપની ફ્લેગશિપ કંપની, અદાણી એન્ટરપ્રાઇઝિસે સોમવારે સૂચિત રૂ. 20,000 કરોડની ફોલો-ઓન પબ્લિક ઓફર (FPO)ના ડ્રાફ્ટ પેપર્સ સ્ટોક એક્સચેન્જોને સબમિટ કર્યા હતા. મીડિયા અહેવાલમાં, સૂત્રને ટાંકીને જણાવવામાં આવ્યું હતું કે કંપની જાન્યુઆરીના છેલ્લા સપ્તાહમાં પબ્લિક ઈશ્યુ લોન્ચ કરવાની શક્યતા પર વિચાર કરી રહી છે.
Adani Enterprises નવેમ્બરના અંતમાં ફોલો-ઓન શેર વેચાણની જાહેરાત કરી હતી. કેટલાક બેન્કર્સે જણાવ્યું હતું કે અદાણી એન્ટરપ્રાઈઝ અંશતઃ ચૂકવેલ શેર ઈશ્યૂ કરીને એફપીઓમાં નાણાં એકત્ર કરી શકે છે. આ બાબતથી વાકેફ એક વ્યક્તિએ કહ્યું કે કંપની FPOમાં રિટેલ રોકાણકારોને છૂટ આપી શકે છે. અદાણી અદાણી એન્ટરપ્રાઈઝના શેરમાં છેલ્લા એક વર્ષમાં 94 ટકા અને છેલ્લા પાંચ વર્ષમાં 1,760 ટકાનો વધારો થયો છે.
કંપનીએ FPO માટે તેના પેપર્સ ફાઈલ કર્યાને માત્ર એક દિવસ થયો છે, વધુ વિગતો સત્તાવાર રીતે જાહેર કરવાની બાકી છે. જો કે, અહેવાલમાં ઉલ્લેખ કરવામાં આવ્યો છે કે અદાણી એન્ટરપ્રાઇઝિસે જેફરીઝ, ICICI સિક્યોરિટીઝ, SBI કેપિટલ, બેન્ક ઓફ બરોડા કેપિટલ, ઇલારા કેપિટલ અને અન્ય કેટલાકને ઇશ્યૂ માટે લીડ બેન્કર્સ તરીકે નિયુક્ત કર્યા છે.
FPOના પરિણામે ગૌતમ અદાણીની આગેવાની હેઠળના પ્રમોટરોનો હિસ્સો ઘટીને 3.5 ટકા થઈ શકે છે. સપ્ટેમ્બર 2022 સુધીમાં, પ્રમોટરો પાસે અદાણી એન્ટરપ્રાઇઝિસનો 72.63 ટકા હિસ્સો હતો, જ્યારે બાકીનો 27.37 ટકા જાહેર શેરધારકો પાસે હતો. લાઇફ ઇન્સ્યોરન્સ કોર્પોરેશન જાહેર શેરધારકોમાં 4.03 ટકા હિસ્સો ધરાવે છે, જ્યારે નોમુરા સિંગાપોર, APMS ઇન્વેસ્ટમેન્ટ ફંડ, ઇલારા ઇન્ડિયા ઓપોર્ચ્યુનિટીઝ ફંડ અને LTS ઇન્વેસ્ટમેન્ટ ફંડ 1 ટકા અને 2 ટકા વચ્ચે ધરાવે છે.
આ એફપીઓમાંથી મળેલા નાણાંનો ઉપયોગ દેવું ઘટાડવા માટે કરી શકાય છે. ગ્રૂપનું રૂ. 2.2 લાખ કરોડનું દેવું ડેટ માર્કેટમાં કેટલાક લોકો માટે ચિંતાનું કારણ છે, પરંતુ અદાણીએ ઈન્ડિયા ટુડે સાથેના તાજેતરના ઈન્ટરવ્યુમાં આ ટીકાનો જવાબ આપ્યો અને કહ્યું કે જૂથ “નાણાકીય રીતે મજબૂત” છે. અને તેનો નફો બમણો વધી રહ્યો છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે. આથી રોકાણકાર કરતા પહેલા હંમેશા નિષ્ણાતની સલાહ લો. Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી.
Published On - 4:09 pm, Tue, 17 January 23