Budget 2022: MSME સેક્ટર અને સ્ટાર્ટઅપ્સ માટે નાણામંત્રી નિર્મલા સીતારમણે કરી આ વાત

Union Budget 2022-2023: નાણામંત્રી નિર્મલા સીતારમણે (finance minister Nirmala Sitharaman) કેન્દ્રીય બજેટ 2022-23 (union budget 2022-2023) રજૂ કર્યું છે. સીતારમણ મોદી સરકારના બીજા કાર્યકાળનું ચોથું બજેટ સવારે 11 વાગ્યે સંસદમાં રજૂ કર્યું છે. આ સતત ચોથી વખત છે જ્યારે નાણામંત્રી નિર્મલા સીતારમણ (Nirmala Sitharaman) રજૂઆત કરી છે. કોરોના મહામારી અને તેની સામે ઊભા થયેલા પડકારોનો સામનો કરી રહેલી અર્થવ્યવસ્થાને વેગ આપવા માટે સરકાર દરેક ક્ષેત્ર પર ખર્ચ વધારી શકે છે. મહત્વનું છે કે, દેશના પાંચ રાજ્યો ઉત્તર પ્રદેશ, ઉત્તરાખંડ, પંજાબ, ગોવા અને મણિપુરમાં આ મહિનાથી વિધાનસભાની ચૂંટણીઓ શરૂ થઈ રહી છે.

નાણામંત્રી નિર્મલા સીતારમણે આ પહેલા સોમવારે ફાઈનાન્સિયલ યર 2021-22નો આર્થિક સર્વે રજૂ કર્યો હતો. ઈકોનોમિક સર્વેમાં એવું અનુમાન લગાવવામાં આવ્યું છે કે, આગામી ફાઈનાન્સિયલ યરમાં દેશનો વિકાસ દર 8-8.5 ટકા રહેશે. આજે સવારે બજેટની રજૂઆત પહેલા સેન્સેક્સમાં ઉછાળો નોંધાયો હતો. સેન્સેક્સમાં 650 પોઈન્ટના વધારા સાથે બજાર ખુલ્યું હતું, જ્યારે નિફ્ટીમાં 300 પોઈન્ટથી વધુનો વધારો થયો હતો.

MSME સેક્ટરમાટે કરી આ રજુઆત

નાણામંત્રી નિર્મલા સીતારમણે કહ્યું કે, ઇમરજન્સી ક્રેડિટ લાઇન ગેરંટી સ્કીમથી 130 લાખ MSMEsને રોગચાળાની સૌથી ખરાબ અસર ઘટાડવામાં મદદ મળી છે. નિષ્ણાતો કહે છે કે ,માર્ચ 2023 સુધી ECLGS (ઇમરજન્સી ક્રેડિટ લાઇન)નું વિસ્તરણ એ એક મહત્વપૂર્ણ પગલું છે.

MSMEs જેમ કે Udyam, e-shram, NCS અને Aseem પોર્ટલને એકબીજા સાથે જોડવામાં આવશે, તેમનો કાર્યક્ષેત્ર વિસ્તૃત કરવામાં આવશે. તેઓ હવે GC, BC અને BB સેવાઓ પૂરી પાડતા લાઇવ ઓર્ગેનિક ડેટાબેઝ સાથે પોર્ટલ તરીકે કાર્ય કરશે જેમ કે ક્રેડિટ સુવિધા, ઉદ્યોગસાહસિક તકો વધારવા.

લોકસભામાં બજેટ રજૂ કરતા નાણામંત્રી નિર્મલા સીતારમણે કહ્યું કે દેશ હાલમાં કોરોનાની લહેરમાંથી પસાર થઈ રહ્યો છે, અમારું લક્ષ્ય સર્વાંગી કલ્યાણ છે. આ બજેટ 25 વર્ષ માટે પાયો નાખશે. ખાનગી રોકાણને પ્રોત્સાહન આપવાનું લક્ષ્ય નક્કી કરવામાં આવ્યું છે. આગામી નાણાકીય વર્ષમાં આર્થિક વૃદ્ધિ 9.2% રહેવાની ધારણા છે. સાથે જ નાણામંત્રીએ કહ્યું કે, વર્તમાન વર્ષમાં ભારતની આર્થિક વૃદ્ધિ 9.2% રહેવાનો અંદાજ છે, જે મુખ્ય અર્થવ્યવસ્થાઓમાં સૌથી વધુ છે.

સ્ટાર્ટઅપ્સ માટે કરી આ વાત

નાણામંત્રી નિર્મલા સીતારમણે કહ્યું કે, ડ્રોનના ઉપયોગને પ્રોત્સાહન આપવા માટે ‘ડ્રોન શક્તિ’ની સુવિધા માટે સ્ટાર્ટઅપ્સને પ્રોત્સાહન આપવામાં આવશે.

MSME પર્ફોર્મન્સ (RAMP) વધારવા અને વેગ આપવા. 5 વર્ષમાં 6,000 કરોડ, MSME ક્ષેત્રને વધુ કાર્યક્ષમ, સ્થિતિસ્થાપક અને સ્પર્ધાત્મક બનવા સક્ષમ બનાવવા માટે રોલઆઉટ કરવામાં આવશે.

નાણામંત્રી નિર્મલા સીતારમણે કહ્યું કે, ‘2022-23 માટે, અર્થતંત્રમાં એકંદર રોકાણને ઉત્પ્રેરિત કરવામાં રાજ્યોને મદદ કરવા માટે ફાળવણી 1 લાખ કરોડ છે. આ 50-વર્ષની વ્યાજ-મુક્ત લોન રાજ્યોને મંજૂર કરાયેલ સામાન્ય ઋણ કરતાં વધુ છે. તેનો ઉપયોગ પીએમ ગતિ શક્તિ સંબંધિત અને રાજ્યોના અન્ય ઉત્પાદક મૂડી રોકાણો માટે કરવામાં આવશે’.

કોર્પોરેટ ટેક્સ ઘટ્યો

સરકારે કોર્પોરેટ ટેક્સ 18 ટકાથી ઘટાડીને 15 ટકા કરવાની જાહેરાત કરી છે. દિવ્યાંગો માટે પણ ટેક્સમાં રાહતની જાહેરાત કરવામાં આવી છે. આ ઉપરાંત, રાજ્ય સરકારના કર્મચારીઓના સામાજિક સુરક્ષા લાભોને મદદ કરવા અને તેમને કેન્દ્ર સરકારના કર્મચારીઓની સમકક્ષ લાવવા માટે કેન્દ્ર અને રાજ્ય સરકારના કર્મચારીઓ માટે કર કપાતની મર્યાદા 10% થી વધારીને 14% કરવામાં આવશે.

સ્ટાર્ટઅપ્સને રાહત

સ્ટાર્ટઅપ્સને રાહત આપતા, નાણામંત્રી નિર્મલા સીતારમણે તેમને આપવામાં આવતા પ્રોત્સાહનો માટે એક વર્ષ લંબાવવાની જાહેરાત કરી છે. નાણામંત્રીએ કહ્યું કે, સ્ટાર્ટઅપ્સ અર્થતંત્ર માટે વૃદ્ધિના ડ્રાઈવર તરીકે ઉભરી આવ્યા છે. રોગચાળાને ધ્યાનમાં રાખીને, સ્ટાર્ટઅપ્સ માટે કરવેરા પ્રોત્સાહનો ત્રણ વર્ષથી વધારીને ચાર વર્ષ સુધી કરવામાં આવ્યા છે.

સોમવારે જાહેર કરાયેલા આર્થિક સર્વેમાં જણાવવામાં આવ્યું હતું કે ભારતમાં હવે ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટરનલ ટ્રેડ (DPIIT) દ્વારા માન્યતા પ્રાપ્ત 61,400 થી વધુ સ્ટાર્ટઅપ્સ છે. 2021-22 ના નાણાકીય વર્ષમાં ઓછામાં ઓછા 14,000 માન્ય સ્ટાર્ટઅપ્સ ઉમેરવામાં આવ્યા હતા, તેમ તેમાં જણાવાયું હતું.

આત્મનિર્ભરતાને પ્રોત્સાહન આપવા અને સંરક્ષણ સાધનોની આયાત પર નિર્ભરતા ઘટાડવા માટે, સંરક્ષણ માટેના મૂડી પ્રાપ્તિ બજેટના 68% સ્થાનિક ઉદ્યોગ માટે નિર્ધારિત. પાછલા નાણાકીય વર્ષના 58% થી વધુ સંરક્ષણ R&D ઉદ્યોગ અને સ્ટાર્ટઅપ્સ માટે ખુલ્લું મૂક્યું.

આ પણ વાંચો: Budget 2022 Speech LIVE: મોદી કેબિનેટે બજેટને આપી મંજૂરી, સંસદમાં બેજટને રજુ કરાયુ

આ પણ વાંચો: Budget 2022:  અહીં મળશે તમને બજેટની પળેપળની માહિતી, આમ આદમીની સુવિધા માટે Union Budget App તૈયાર કરાઈ