Toyota Innova Crysta ખરીદવા માટે કેટલો હોવો જોઈએ પગાર ? જાણો કેટલો આવશે EMI

ભારતીય બજારમાં દરરોજ હજારો કારનું વેચાણ થાય છે. આમાંથી એક છે Toyota Innova Crysta MPV, જે તેની આરામદાયક અને લક્ઝુરિયસ કેબિન માટે જાણીતી છે. આ સિવાય આ કાર ફીચર્સ અને માઈલેજના મામલે પણ અદભૂત છે.

જો તમે ટોયોટા ઈનોવા ક્રિસ્ટા કાર ખરીદવાનું વિચારી રહ્યા છો, તો આજે અમે તમને આ લેખમાં લોન પ્લાન અને EMI વિશે સંપૂર્ણ માહિતી આપીશું, આ સાથે તમને આ કાર ખરીદવા માટે કેટલી સેલરીની જરૂર પડશે તેની પણ માહિતી આપીશું.

અમદાવાદમાં ટોયોટા ઈનોવા ક્રિસ્ટાની એક્સ-શોરૂમ કિંમત 19.99 લાખ રૂપિયાથી શરૂ થાય છે અને 26.55 લાખ રૂપિયા સુધી જાય છે. અમદાવાદમાં તેના બેઝ વેરિઅન્ટની ઓન-રોડ કિંમત લગભગ 22.45 લાખ રૂપિયા છે. તમારી માહિતી માટે, અમે તમને જણાવી દઈએ કે ઓન-રોડ કિંમત દરેક શહેરમાં અલગ હોઈ શકે છે.

દર મહિને કેટલો ભરવો પડશે હપ્તો ?

જો તમે અમદાવાદમાં ટોયોટા ઈનોવા ક્રિસ્ટાના બેઝ વેરિઅન્ટને 4 લાખ રૂપિયાના ડાઉન પેમેન્ટ સાથે ખરીદો છો, તો તેના માટે તમારે બેંકમાંથી લગભગ 18.45 લાખ રૂપિયાની લોન લેવી પડશે.

જો તમે આ લોન 5 વર્ષ માટે લઈ રહ્યા છો, તો તમારે 9.8%ના વ્યાજ દરે દર મહિને 39 હજાર રૂપિયાનો હપ્તો 5 વર્ષ સુધી ચૂકવવો પડશે. જો કે, વ્યાજ દર સંપૂર્ણપણે તમારા ક્રેડિટ સ્કોર પર નક્કી થાય છે.

ટોયોટા ઇનોવા ક્રિસ્ટા ખરીદવા કેટલો પગાર હોવો જોઈએ ?

જો તમે ટોયોટા ઈનોવા ક્રિસ્ટા ખરીદવાનું વિચારી રહ્યા છો, તો તમારો પગાર 1 લાખ રૂપિયાથી વધુ હોવો જોઈએ, તો જ આ કાર ખરીદી શકાય.

ટોયોટા ઈનોવા ક્રિસ્ટાના ફીચર્સ

ટોયોટા ઈનોવા ક્રિસ્ટાના ફીચર્સ વિશે વાત કરીએ તો આ કારમાં લગાવવામાં આવેલ એલઈડી હેડલેમ્પ કારને શાનદાર લુક આપે છે. ઇનોવા ક્રિસ્ટામાં 20.32 સેમી ડિસ્પ્લે છે, જેમાં એન્ડ્રોઇડ ઓટો અને એપલ કારપ્લે કનેક્ટિવિટીની સુવિધા છે. આની મદદથી તમે તમારા મોબાઈલ ફોનને કાર સાથે સરળતાથી કનેક્ટ કરી શકો છો.

સેફ્ટી ફીચર્સની વાત કરીએ તો આ કારમાં એન્ટી લોક બ્રેકીંગ સિસ્ટમ, વ્હીકલ સ્ટેબિલિટી કંટ્રોલ, હિલ-સ્ટાર્ટ આસિસ્ટ કંટ્રોલ જેવા ફીચર પણ છે. ટોયોટાના નવા વેરિઅન્ટમાં સુરક્ષા માટે એરબેગ્સ પણ આપવામાં આવી છે. ટોયોટા ઈનોવા ક્રિસ્ટાના જી અને જીએક્સ વેરિઅન્ટમાં 3 એરબેગ્સની સુવિધા છે. જ્યારે તેના VX અને ZX વેરિઅન્ટમાં 7 એરબેગ્સની સુવિધા છે.