મારુતિ સુઝુકીના ડીલર સૂત્રોના જણાવ્યા અનુસાર, વેચાણમાં ઘટાડાને કારણે કંપની તેની ગ્રાન્ડ વિટારા SUV, Fronx અને XL6 MPV પર ડિસ્કાઉન્ટ આપી રહી છે. આ સિવાય મારુતિ બલેનો, Ciaz અને Ignis પર પણ ડિસ્કાઉન્ટ આપવામાં આવી રહ્યું છે. જો તમે મારુતિ સુઝુકી કાર ખરીદવાનું વિચારી રહ્યા છો, તો આ સારો મોકો છે. ત્યારે Fronx, XL6 અને ગ્રાન્ડ વિટારા પર આપવામાં આવી રહેલી ઓફર્સ વિશે આ લેખમાં જાણીશું.
ગ્રાન્ડ વિટારા પર પહેલા કરતા 66 હજાર રૂપિયા વધુ ડિસ્કાઉન્ટ મળી રહ્યું છે. હવે કુલ 74 હજાર રૂપિયાનું ડિસ્કાઉન્ટ આપવામાં આવી રહ્યું છે. આ સાથે જ હાઈબ્રિડ વેરિઅન્ટ પર ત્રણ વર્ષની એક્સટેન્ડેડ વોરંટી (લગભગ 38 હજાર રૂપિયા) આપવામાં આવી રહી છે. એટલે કે કુલ 1.4 લાખ રૂપિયા સુધીની બચત થશે. તેના આલ્ફા વેરિઅન્ટ ખરીદવા પર 64 હજાર રૂપિયાની બચત થઈ શકે છે, સિગ્મા CNG મોડલ પર 34 હજાર રૂપિયાની બચત થઈ શકે છે.
ગ્રાન્ડ વિટારાનું હાઇબ્રિડ મોડલ 27.97kmpl ની માઇલેજ આપી શકે છે. આ એસયુવીની એક્સ-શોરૂમ કિંમત 10.99 લાખ રૂપિયાથી 19.93 લાખ રૂપિયાની વચ્ચે છે.
Fronx પર પહેલા કરતા 20 હજાર રૂપિયા વધુ ડિસ્કાઉન્ટ આપવામાં આવી રહ્યું છે. તેની વેલોસિટી એડિશન આવ્યા બાદ ટર્બો મોડલના બાકીના સ્ટોક પર 77 હજાર રૂપિયાનું ડિસ્કાઉન્ટ મળી રહ્યું છે. તેના સ્ટાન્ડર્ડ પેટ્રોલ વર્ઝન પર 32,500 રૂપિયા સુધીનું ડિસ્કાઉન્ટ મળી રહ્યું છે અને CNG વેરિઅન્ટ પર 12,000 રૂપિયા સુધીનું ડિસ્કાઉન્ટ મળી રહ્યું છે
Maruti Suzuki Fronxની એક્સ-શોરૂમ કિંમત હાલમાં રૂ. 7.29 લાખથી રૂ. 12.88 લાખની વચ્ચે છે.
મારુતિ XL6 પર 15 હજાર રૂપિયાનું વધારાનું ડિસ્કાઉન્ટ મળી રહ્યું છે. હવે પેટ્રોલ વેરિઅન્ટ પર 40 હજાર રૂપિયા સુધીનું ડિસ્કાઉન્ટ મળી રહ્યું છે. જ્યારે તેના CNG વેરિએન્ટ પર 25 હજાર રૂપિયા સુધીનું ડિસ્કાઉન્ટ મળી રહ્યું છે. XL6ની કિંમત 11.61 લાખ રૂપિયાથી 14.61 લાખ રૂપિયાની વચ્ચે છે, આ કિંમત એક્સ-શોરૂમ પ્રમાણે છે.
નોંધ : આ ડિસ્કાઉન્ટ ઓફર્સ વિવિધ શહેરો અને ડીલરશિપ પર આધારિત છે અને તેમાં તફાવત હોઈ શકે છે. તેથી તમારી નજીકની ડીલરશીપની મુલાકાત લો અને ઓફર્સની ચોક્કસ રકમ તપાસો.