Kutch: આખરે વિરોધ બાદ નર્મદાનું પાણી ડેમમાં છોડવામાં આવતા ખેડૂતોમાં ખુશી જોવા મળી રહિ છે. કચ્છના જીવાદોરી સમાન ટપ્પર ડેમમાં 500 ક્યુસેક પાણી છોડવામાં આવ્યું છે. ટપ્પર ડેમ ભરવા માટે નર્મદાનું પાણી છોડાયું છે. નંદાસર સુધી નર્મદાના પાણી પહોંચતા ખેડૂતોમાં આનંદ છવાયો હતો. ફતેહગઢ, સુવઇ માંજુવાસ અને હમીરપર કેનાલથી ટપ્પર સુધી નર્મદાના પાણી પહોંચશે.
પાણીની અછત વચ્ચે હજારો લીટર પાણી વેડફાયું
એક તરફ આકરી ગરમીમાં કચ્છમાં પાણી માટે લોકો વલખા મારી રહ્યાં છે. ત્યારે પાણીની તંગી વચ્ચે હજારો લીટર પાણીનો વેડફાટ (water waste) થયો. અંજારના સાપેડા નજીક નર્મદાની લાઇનમાં ભંગાણ સર્જાયું છે. જેને લઇ હજારો લીટર પાણી વહી રહ્યું છે. પાણીની લાઇનમાં ભંગાણ (Breach in Narmada line) સર્જાતા પાણીના ઉંચા ફુવારા ઉડ્યાં હતા. એટલું જ નહીં સતત પાણી વહી રહ્યું હોવાના કારણે આસપાસના ખેતરોમાં પણ પાણી ભરાયા છે. ત્યારે તંત્ર દ્વારા તાત્કાલિક ધોરણે આ પાઇપ લાઇનનું સમારકામ કરાવવામાં આવે તેવી સ્થાનિકો માંગ કરી રહ્યાં છે.
52 KG કોકેઇન મામલો, ફરાર ત્રીજા આરોપીને કેરળથી ઝડપી લેતી DRI
એક અઠવાડિયા અગાઉ કચ્છના (Kutch) મુદ્રા પોર્ટ ઉપરથી મીઠાની આડમાં 52 કિલોગ્રામનું 500 કરોડ રૂપિયાનું કોકેઇન (Drugs) મળી આવ્યું હતું. આ કેસમાં ડીઆરઆઇએ (DRI) ત્રીજા આરોપી મોહમ્મદ હાદી શેખને એ કેરળથી ઝડપી પાડ્યો હતો. આ આરોપી અગાઉ ડીઆરઆઇને ચકમો આપીને ફરાર થઈ ગયો હતો. જેને ડીઆરઆઇ દ્વારા ફરીથી ઝડપી લેવામાં આવ્યો હતો અને આ આરોપીને આજે વહેલી સવારે 4:15 વાગ્યે સ્પેશ્યલ NDPS કોર્ટ સમક્ષ રજુ કરવામાં આવ્યો હતો. આ કેસમાં અગાઉ બે આરોપીની ધરપકડ થઈ ચૂકી છે.