દરરોજ પ્લેનમાં ઓફિસ જાય છે આ મહિલા ! 600 કિલોમીટરનો કરે છે પ્રવાસ
આ મહિલા મલેશિયાની રહેવાસી રેચલ કૌર છે જે ભારતીય મૂળની છે અને તે દરરોજ સવારે ઓફિસ જવા અને રાત્રે ઘરે પરત ફરવા માટે ફ્લાઇટમાં 600 કિલોમીટરનો પ્રવાસ કરે છે. ત્યારે શા માટે તે રોજ 600 કિમી અવર જવર કરે છે ચાલો અહીં જાણીએ
રેચલ જણાવ્યું કે, શરૂઆતમાં તેણે પરિવારથી દૂર કુઆલાલંપુરમાં એકલા રહેવાનું નક્કી કર્યું હતું. તે માત્ર શનિવાર અને રવિવારના દિવસે જ તેના પરિવાર સાથે સમય પસાર કરી શકતી હતી. તેમજ તેને કુઆલાલંપુરમાં રહેવું ઘણું મોંઘું પડતું હતું. તેણી ભાડે રહેતી હતી અને દર મહિને સરેરાશ US $474 ખર્ચતી હતી.
રેચલ જણાવ્યું કે, જો તે દરરોજ ફ્લાઇટમાં મુસાફરી કરે છે, તેનો ખર્ચ માત્ર 316 યુએસ ડોલર છે. તેણે કહ્યું કે તેને એરપોર્ટથી ઓફિસ પહોંચવામાં માત્ર 5 થી 7 મિનિટનો સમય લાગે છે. તે એર એશિયા એરલાઇન્સમાં કામ કરે છે. જો કે તે દરરોજ ફ્લાઈટ્સ માટે પોતાના ખિસ્સામાંથી પૈસા ખર્ચે છે, પરંતુ એરલાઈન્સમાં કામ કરવાને કારણે તેને ઘણું ડિસ્કાઉન્ટ પણ મળે છે. તેણે કહ્યું કે આ કરીને તે રોજ ઓફિસનું સંચાલન કરે છે અને ઘરે પાછા જઈને બાળકોને સમય આપી શકે છે.
Published On - 2:36 pm, Thu, 13 February 25
