આવી ગઈ ટાટા પંચ ઈલેક્ટ્રિક કાર, સિંગલ ચાર્જ પર દોડશે 421 KM, જાણો ગુજરાતમાં કેટલી છે કિંમત
ટાટા પંચ ઈલેક્ટ્રિક કારની ભારતીય બજારમાં એન્ટ્રી થઈ ગઈ છે. તેને અલગ અલગ ત્રણ વેરિઅન્ટમાં લોન્ચ કરવામાં આવી છે. આ કારના બેઝ મોડલથી લઈને ટોપ મોડલની કિંમત પણ જાહેર કરવામાં આવી છે. ટાટા પંચ EV સિંગલ ચાર્જ પર 421 Km દોડશે. ત્યારે તેના ફીચર્સ અને ગુજરાતમાં તેની કિંમત કેટલી છે તેના વિશે આજે અમે જાણકારી આપીશું.
આ સિવાય કારમાં ક્રૂઝ કંટ્રોલ, ફ્રન્ટ એલઇડી ફોગ લેમ્પ, 26.03 સેમી હરમન ઇન્ફોટેનમેન્ટ સિસ્ટમ, એન્ડ્રોઇડ ઓટો, એપલ કારપ્લે, ઓટોહોલ્ડ સાથે ઇલેક્ટ્રોનિક પાર્કિંગ બ્રેક, ડાયમંડ કટ એલોય વ્હીલ્સ, AQI ડિસ્પ્લે સાથે એર પ્યુરિફાયર, ઓટો ફોલ્ડ ORVM, 360 ડિગ્રી છે. કેમેરા સરાઉન્ડ વ્યુ, બ્લાઈન્ડ સ્પોટ મોનિટર પણ આપવામાં આવેલ છે.
આ ઇલેક્ટ્રિક કાર બે પ્રકારના બેટરી પેક વિકલ્પોમાં આવશે, જેમાંથી એક નોર્મલ છે અને બીજી લાંબી રેન્જ બેટરી પેક છે. 25 kWh બેટરી પેક, સંપૂર્ણ ચાર્જ પર 315 કિલોમીટર સુધીની રેન્જ આપશે, જ્યારે 35 kWh બેટરી પેક, સંપૂર્ણ ચાર્જ પર 421 કિલોમીટર સુધીની રેન્જ આપશે.
ટાટા પંચ EVને પાવર આપવા માટે બે પ્રકારના ચાર્જિંગ વિકલ્પો છે. તેની બેટરી 7.2 kW ફાસ્ટ હોમ ચાર્જર અને 3.3 kW વોલ બોક્સ ચાર્જર દ્વારા સંચાલિત થઈ શકે છે.
ગુજરાતના અમદાવાદમાં ટાટા પંચ EVની એક્સ-શોરૂમ કિંમત રૂપિયા 10.99 લાખથી શરૂ થાય છે. સૌથી ઓછી કિંમતનું મોડલ ટાટા પંચ EV સ્માર્ટ છે અને ટોપ મોડલ ટાટા પંચ EV એમ્પાવર્ડ છે. જેની કિંમત રૂપિયા 14.99 લાખ છે.
