રિયલ લાઈફમાં દબંગ છે આ ખેલાડી, પંજાબ પોલીસમાં કરે છે નોકરી, જાણો કોણ છે આ પ્લેયર
પંજાબના જલંધરનો આ ખેલાડી પોતાના આક્રમક અંદાજ અને ચપળતાથી મેદાન પર વિરોધી પક્ષને ધૂળ ચટાવવા માટે ફેમસ છે તે રિયલ લાઈફમાં પંજાબ પોલીસમાં કામગીરી બજાવે છે. આ પ્લેયરનું ફેન ફોલોવિંગ ઘણું બધુ છે તેમજ તે તેની હેર સ્ટાઈલને લઈને પણ ઘણો પોપ્યુલર છે ત્યારે ચાલો જાણીએ કે કોણ છે આ પ્લેયર અને કઈ ગેમ સાથે કેટલા ટાઈમથી જોડાયેલ છે.
કબડ્ડી ખેલાડી મનિન્દર સિંહ ભારતના પંજાબના દસુયાના ખેડૂત પરિવારનો છે.મનિન્દર સિંહનો જન્મ ભારતના પંજાબના હોશિયારપુર જિલ્લામાં થયો હતો. તેણે ખાલસા કોલેજ, અમૃતસરમાંથી ગ્રેજ્યુએશન પૂર્ણ કર્યું અને હાલમાં જલંધરમાં રહે છે. 31 જાન્યુઆરી 1990ના રોજ જન્મેલા મનિન્દરે તેના શાળાના દિવસોમાં કબડ્ડી રમવાનું શરૂ કર્યું હતું. વ્યવસાયિક રીતે શીખવા માટે, તે શહીદ ભગત સિંહ કબડ્ડી ક્લબમાં જોડાયો, જ્યાં તેણે હનુમત સિંહ જેવા સક્ષમ કોચ હેઠળ કબડ્ડીના દાવપેચ શીખ્યો.આ પ્લેયર મેદાન પર દબંગ છે અને રિયલ લાઈફમાં પણ દબંગ છે.
મનિન્દર સિંહે 1 ડિસેમ્બર 2017ના રોજ તેની લાંબા સમયની ગર્લફ્રેન્ડ સિમરન કૌર પન્નુ સાથે લગ્ન કર્યા. આ દંપતીને ગુરમીત નામની સુંદર પુત્રી પણ છે. મનિન્દર સિંહ તેની કોલેજની અંડર-19 ટીમમાં પસંદ થયો હતો. એક ટુર્નામેન્ટમાં, તેણે તેના પ્રતિસ્પર્ધીઓને હરાવ્યા અને સ્પર્ધામાં સૌથી સફળ રેઇડર્સમાંના એક હતા. તે એક આક્રમક રેઈડર છે
હનુમતે મનિન્દરને વ્યાવસાયિક રીતે તાલીમ આપવાની ઓફર કરી અને કબડ્ડીને કારકિર્દી તરીકે પસંદ કરી કારણ કે તેની પાસે ભારતીય ટીમનું પ્રતિનિધિત્વ કરવાની ક્ષમતા હતી. કબડ્ડી પ્લેયર મનિન્દર સિંહે જાલંધરમાં ક્લબ કબડ્ડી રમવાનું શરૂ કર્યું અને ટૂંક સમયમાં જ તેને આંતરરાષ્ટ્રીય સ્તરે ભારતનું પ્રતિનિધિત્વ કરવાની તક મળી છે. મનિન્દર સિંહ રિયલ લાઈફમાં પોલીસ ફોર્સ સાથે જોડાયેલ છે તે હાલ પંજાબ પોલીસમાં ASI તરીકે પણ કામ કરે છે.
પ્રો કબડ્ડી લીગ (PKL) ની 10મી સીઝન 2 ડિસેમ્બર 2023 થી શરૂ થવા જઈ રહી છે. આ સાથે હવે દર્શકોને તેમના મનપસંદ ખેલાડીઓને જોવા માટે વધુ રાહ જોવી પડશે નહીં. આજે આ શ્રેણીમાં, આપણે બંગાળ વોરિયર્સના સૌથી પ્રભાવશાળી ખેલાડીઓમાંથી એક મનિન્દર સિંહના દબંગ અંદાજ અને આક્રમક રેઈડ જોવા ફેન્સ ઉત્સાહિત છે.
બંગાળ વોરિયર્સે અમદાવાદમાં શરૂ થનારી પ્રો કબડ્ડી લીગ (PKL) માટે ટોચના રેઇડર મનિન્દર સિંહને તેમના કેપ્ટન તરીકે નિયુક્ત કર્યા છે. સિંઘ 2017 થી બંગાળ વોરિયર્સ સાથે છે, 2019 માં તેની પ્રથમ પ્રો કબડ્ડી લીગ ટાઈટલ માટે ટીમની આગેવાની કરી હતી. બંગાળ વોરિયર્સે ફરી મનિન્દરને 2.12 કરોડ રૂપિયામાં ખેલાડીઓની હરાજીમાં સામેલ કર્યો હતો.
Published On - 3:48 pm, Thu, 30 November 23